Ua fa’aalia e Jarome Luai o le a ia tu’ua le kalapu a West Tigers e ta’alo mo le kalapu fou, le Chiefs i Papua New Guinea, o loo fa’amoemoe e ulufale i le tauvaga o le NRL i le 2028.
O Jarome Luai o loo ta’alo nei mo le kalapu a West Tigers, ae masalo e sili ona manatuaina ma lauiloa i le taimi o ta’alo i le kalapu a Penrith lea na siamupini ai i le NRL.
Na avea fo’i Jarome Luai ma se tasi o alo o Samoa na filifilia i le ‘aufili a NSW Blues i le tauvaga o le State of Origin ma Queensland.
E pei ona silafia, o Jarome Luai, o se tasi ua tele tausaga o lana tautua i le ‘aufili lakapi liki a Samoa, le Toa Samoa.
Ae ina ua fesiligia Jarome Luai i le mafua’aga o lona sainia o le konekarate lenei ma le Chiefs i Papua New Guinea, na ia ta’ua lona fia ‘auai i se ‘au e afua mai i se atunu’u o le Pasefika.
"Probably more a vision - something that I resonated with. Being Polynesian, there are a lot of similarities with Samoa and things like that. What that team is eventually going to do for people is grow a nation, so that is something that resonated with me."
E le gata ia Jarome Luai, ae ua sainia foi e le Chiefs se tasi o alo o Papua New Guinea ua leva ona ta,alo mo South Sydney, Alex Johnston, lea ua umia le matāti’a o sikoa aupito tele i le tala fa’asolopito o le ta’aloga lakapi liki i Ausetalia.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
