Na iai le fa'amoemoe o le palemia, Anthony Albanese, e sainia le PukPuk Treaty i le masina na te'a nei ina ua auai atu i le fa'amanatuina o le Iupeli, le 50 tausaga o le malo tuto'atasi o Papua Niu Kini.
Peita'i na le'i taunu'u ona sa mana'omia e le Kapeneta o le faigamalo a Papua Niu Kini ona pasia muamua aiaiga o le feagaiga.
Na saunoa fo'i le palemia o Papua Niu Kini, James Marape, e tatau ona muamua silasila i le tulaga tala feagai o le PukPuk Treaty ma le Fa'avae o lona atunu'u.
I lalo o le feagaiga o le puipuiga, o le a fesoasoani ai militari a atunu'u e lua i le puipuiga o tua'oi ma tete'e atu i se osofa'iga a se fili mai fafo.
E le gata i lea, o le a mafai ai e fitafita ma i Papua Niu Kini ona tautua i le militari a Ausetalia, fa'apena fo'i ona mafai e fitafita Ausetalia ona galulue i le militari a Papua Niu Kini.
