E pei ona lipotia e le Samoa Observer, na la'u ese ai e leoleo ni pusa e teu ai keke pua'a mai fale'aiga, o loo masalomia e avea ma molimau.
E lē gata i fale'aiga keke pua'a, ae na aofia ai totonu o le maketi o i'a i le su’esu’ega a leoleo.
Na ta'ua e leoleo i se tusitala a le Samoa Observer, i le to'a 7 o tagata na saisaia, e to'a 5 alii ma tama’ita’i e to'a 2.
O le vaiaso ua tuana'i, e to'a 15 tagata i Savaii na saisaia i su’esu’ega a leoleo o le 'aisa, e to'a 12 o i latou ua molia.
Ma seisi tala:
O le masina fou e aumai ai le faasalaga o se alii Samoa i le faamasinoga maualuga i Aukilani.
O Moeai'a Tuai na molia i le faapologaina o ni tagata e aofia ai se tama ma ni teine Samoa ma lona faia iai o feusua'iga faamalosi.
Na faaigoaina e loia a le malo prosecutors o se faiga e pei o sana meatotino e pule ai.
O Tuai ua 63 tausaga le matua, ma o nisi o vaega o molimau i lona faamasinoga na maua mai ana lava faamaumauga na ia tusia i se diary - o loo lisi ai itula na faigaluega ai le teine, le aofa'i o ona totogi, ma faasalaga na ia faia iai e aofia ai le sasa ma faaoolima.
E ui i lona teena o moliaga, na faamaonia e le jury moliaga uma e 19, e aofia ai le tele o moliaga i le faapologaina o se tagata.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
