Saisaia i Sini ona o le fu'a a le Nazi

Na saisaia e leoleo i Sini ni ali'i se to'alua i le umia ma le faaleleina o le fu'a e iai le tagavai a le Nazi i Sini i le vaiaso nei.

Supporters of the 'Campaign Against Racism and Fascism' march during a protest against a neo-Nazi gym meet-up in Sunshine West, Melbourne. Source: AAP / JOEL CARRETT/AAPIMAGE

E 44 ma le 51 tausaga le matutua o i la'ua, ma na saisaia i la'ua i se papu i Darlinghurst ina ua vili e nisi leoleo. O le papu e tua'oi ma se fale mata'aga o mata'upu i tagata Iutaia i Sini.

O le vaiaso nei na pasia ai i le palemene tele i Ausetalia tulafono e mafai ai ona faasalaina se tagata i le tausaga i le falepuipui i le faaleleina o le fu'a a le Nazi.