Ua faasa'olotoina uma tagata Iutaia e to'a 20 o loo soifua pea mai le 'ova i le 200 ia na 'ave faapagotaina e Hamas i le Aso 7 o Oketopa i le 2023.
l lalo o le maliega na feutaga'ia i le va o Isaraelu ma Hamas, ua fesuia'i ai le to'a 20 lenei o tagata Iutaia ma le lata i le to'a 2,000 o tagata Palesitina na saisaia i falepuipui i Isaraelu.
E ui i le taofia mo le taimi nei o le taua, o loo fa'aauau pea feutaga'iga i Aikupito ma le faamoemoe i se filemu tumau i le va o Isaraelu ma Palesitina.
O ananafi na tu'uina ai le to'a 20 lenei o tagata Iutaia, o ni alii uma, i le Koluse Mumu ma latou tu'uina ai i le vaegaau a Isaraelu.
O se tasi o tagata Iutaia na saisaia faapagota e Hamas mo le 2 tausaga, o le alii o Matan Zangauker.
Na fa'aalia le fiafia o lona tina o Einav Zangauker ina ua toe faatasia le mafutaga.
"God is great, Matan, you are coming back home, you are all coming back home, I love you. My life, thank God, the war is over, the war is over, there is no more war. You are coming home, you are mommy's life, you are coming home. There's no war, there's no war, it's over. My life, I love you, I'm waiting for you."
Na faitioina ma tuua'ia e nisi o tagatanu'u o Isaraelu, le palemia Benjamin Netanyahu i le faa'umi'umi o le taua ona o ni ana faiga faapolitiki.
Ae na saunoa Netanyahu, o se aso faapitoa lenei i le talafaasolopito o Isaraelu.
"This is a historic event that some did not believe would happen. But our fighters believed. Many among the people believed. And I believed. I know there are many disagreements among us. But on this day, and I hope also in the period ahead, we have every reason to put them aside."
Ae lata i le 2,000 tagata Palesitina ua fa'asa'olotoina i lalo o lenei maliega.
O le to'atele o i latou nei, pe lata i le 1,700, o tagata Palesitina na saisaia e fitafita Isaraelu i le 2 tausaga ua mavae atu nei ae le'i molia i ni soligatulafono.
Na taunuu i laufanua o le Gaza pasi na momoli ai le to'atele o tagata Palesitina na saisaia i falepuipui i Isaraelu, ae o nisi na saisaia i le Occupied West Bank.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan
