E faitau selau tagata na potopoto i le matafaga o Bondi Beach mo se sauniga fa’amanatu i le taeao nei (Aso Faraile 19 Tesema),
Na aofia ai se li’o o tagata na ‘a’au ma i latou i laupapa fa’ase’e galu (surfers) i le sami ma le faitau selau i le matafaga mo lenei sauniga fa’amanatu.
Ua fa’aalia e le mālō tele se polokalame e toe fa’atau ai e le mālō fana o loo umia e tagata lautele.
O le taimi mulimuli na faia ai se polokalame fa’apenei o le mae’a ai o le osofa’iga i Port Arthur i le 1996 lea na fa’atonuina ai e le palemia o le vaitaimi lena, John Howard, se buy-back o fana mai tagata lautele.
Na saunoa le palemia, Anthony Albanese, o loo fa’amoemoe e faitau selau afe fana o le a aoina i lenei fuafuaga a lana faigamalo.
"We know that one of these terrorists held a firearm license and had six guns, in spite of living in the middle of Sydney's suburbs there at Bonnyrigg. There's no reason why someone in that situation needed that many guns."
Na fa’aalia fo’i e le palemia le fa’atulagaina o le Aso Sa nei (21 Tesema) o se aso e mantunatu ai (Reflection Day) mo le to’a 15 o tagata na maliliu i le osofa’iga terorisi i Bondi Beach.
"Today, I confirm that the federal and New South Wales governments have declared Sunday, 21st of December, a Day of Reflection to honour the victims of the horrific terrorist attack at Bondi Beach and to stand in solidarity with the Jewish community. Further my government and the New South Wales Government and other premiers as well will work closely with the Jewish community on arrangements for a National Day of Mourning to be held in the new year."
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
