O le afiafi nei na faia mai ai le saunoaga muamua a le palemia Anthony Albanese i le atunu'u talu ona palotaina i le tofi i le 2022.
O le 'auga o le saunoaga le National Address, o le fautuaina o le atunu'u i fuafuaga fa'ata'atitia a le malo ae o fa'agasolo pea le taua i Sasa'e i Totonu ma a'afiaga i le 'uti'uti o le suau'u ma le penisini e ono tula'i mai ai.
Na ia aumaia ai ma se lapata'iga o a'afiaga i le atina'e o le tamao'aiga e ono faitau masina o feagai ma tagatanu'u i Ausetalia nei.
O le saunoaga a le palemia e na o le 3 minute le 'umi, ma na mafuli i le vala'au mo tagata uma i le atunu'u e felagolagoma'i i le taumafaiga e sefe le suau'u ma le penisini.
"Australia is not an active participant in this war. But all Australians are paying higher prices because of it."
Na saunoa fo'i le palemia i le ono faitau masina o feagai le atunu'u ma a'afiaga i lona atina'e mai le taua i Sasa'e i Totonu, ae na ia fautua mai o loo galulue le mālō i auala e fa'amāmā 'avega ai i tagata lautele i le taimi nei.
" On Monday, National Cabinet adopted the National Fuel Security Plan. Leaders from both sides of politics, from right around the country, working together to keep Australia moving. Making sure that we are prepared. So that if the global situation gets worse and our fuel supplies are seriously disrupted over the long term, we can co-ordinate the next steps together."
Na amata i se a fa'amāmā 'avega a le mālō tele i le tau o le suau'u ma le penisini ina ua tipi le lafoga le fuel excise i le 'afa analeila ma molimauina ai se pa'ū i le tau o le penisini i nisi o pamu.
E le gata i lea, na fa’aalia e le palemia o loo faia pea feutaga'iga a le mālō ma atunuu tua'oi i Asia mo le mauaina mai ai o le suau'u tiso ma le penisini.
Ae na ia ta'ua fo'i e iai auala e fesoasoani ai tagata uma i le sefeina o le suau'u ma le penisni mo 'au'aunaga sili ona mana'omia.
" You should go about your business and your life, as normal. Enjoy your Easter. If you’re hitting the road, don’t take more fuel than you need - just fill up like you normally would. Think of others in your community, in the bush and in critical industries. And over coming weeks, if you can switch to catching the train or bus or tram to work, do so. That builds our reserves, and it saves fuel for people who have no choice but to drive."
E lē masani ai ona faia saunoaga fa'apenei a palemia o Ausetalia i le atunu'u.
O le National Address mulimuli nei, o le saunoaga a le palemia Scott Morrison i le 2020 i fuafuaga a le mālō i puipuiga o le pepesi o le KOVITI-19.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
