E tusa ai ma le ripoti a le Diabetes Australia, e faitau selau afe tagata i le atunu'u o loo maua i le faama'i suka ae le o iloaina i le taimi nei, ona e le'i faia ni siaki ma se foma'i.
O le suka (diabetes) le mafua'aga lona 7 o le to'atele o tagata e maliliu ai i Ausetalia, ae o le vave ona iloa ma faia togafitiga, o le tele lea o le avanoa e puipuia ai mai le o'o i se tulaga matuia.
Na fa'aalia e le peresitene o le Kolisi a Foma'i GP i Ausetalia ma Aotearoa, o le tausisi i taumafa e la'ititi ai le ga'o, masima ma le suka, tipi i lalo le tausami i 'a'ano o manu fasi ae maise manu fasi fa'asu, e fesoasoani i le faaitiitia o le maua i le suka.
E le gata i lea, e taua tele le faifaipea i aso uma o ni faamalosi tino, e pei o le savali ma ta'aloga.
Ae o le fautuaga sili ona taua, o le fai nei o sau siaki poo e maua i le Suka (Diabetes).
READ MORE
Faatauaina taumafa Samoa.
