Peita'i i le 10 tausaga ua tuana'i atu nei, na iloa i se su'esu'ega a le Kirby Institute i le Univesite o New South Wales, le fa'aluaina o tagata na pesia i fa'ama'i feusua'iga (Sexually Transmitted Infections (STIs) o le gonorrhoea, syphilis ma le chlamydia.
Na ta'ua e Dr Skye McGregor o le Kirby Institute, e lata i le 102,000 tagata na pesia i le chlamydia, o le to'atele o tupulaga talavou i le va o le 20 ma le 29 tausaga le matutua.
Na fa'aalia fo'i i le ripoti le matua maualuga atu o le tulaga o loo pesia ai tagata muamua i fa'ama'i feusua'iga (STIs) nai lo isi tagata i le atunu'u.
Na saunoa Robert Monaghan o le Aboriginal Community Controlled Health Service, o le isi fa'afitauli o le faigata i tagata muamua i nofoaga maotua ona maua 'au'aunaga ma auala e su'esu'eina ai pe o maua i se STI.
Na ia ta'ua fo'i:
"We need a wider depth of health promotion in our schools that start that early conversation that take the stigma away from it".
