Solo o le Malamalama.

Na fa'alauiloa i le vaiaso nei le tusi 'Solo o le Malamalama' o se tu'ufa'atasiga (volume) o solo (poems) na fatuina e le fa'afeagaiga Rev Rolani Mikaele, o le Ekalesia Fa'apotopotoga a Iesu i Liverpool i Sini.

Le Susuga i le fa'afeagaiga o le Ekalesia Fa'apotopotoga a Iesu i Samoa i le 'aulotu i Liverpool, Rev Rolani Mikaele ma ona alo. (Image Supplied).

Na fa'aalia e le tusi solo, Rev Rolani Mikaele, o le 'autū o le fa'amoemoe, o le fa'aaogāina lea o fātuga o solo i le gagana Samoa, e opogi ai le gagana ma avatu ai fo'i se fe'au o le tala'iga Kerisiano.

O nisi o solo o sā'afi'afiga i le soifuaga galue na tautua ai le Susuga Rev Ronali Mikaele i le talitonuga Kerisiano i le tele o tausaga i Samoa ma atunu'u i fafo.

O le Susuga Rev Mikaele na a'oga i le Kolisi o Avele i Samoa, ma o se tasi o solo o loo fa'asino i lona soifua a'oa'oina i Avele.

Na auai atu i le fa'alauiloaina o lana tusi solo nisi o tama tuai o Avele ma latou usuina ai nisi o pese ua masani ai le Kolisi o Avele.

Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan