I ni pepa o fa’amaumauga a le Federal Court i Miami, o loo fa’aalia ai e lata i le $10 Billion (Ausetalia) le taui o loo finau loia a Trump e tatau ona totogi e le BBC ona o le ta'uleagaina o le igoa o le peresitene i se ripoti a le BBC.
O le ripoti na fa’avae i le osofa’iga o le maota faitulafono le Capitol Building i le mae’a ai o palota ia na faia’ina ai Trump ia Joe Biden.
Na tu’ua’ia ai i le ripoti Donald Trump i lona fa’aosoosoina o tagata na lagolagoina o ia e osofa’ia le Capitol Building, ae o se gaioiga na fa’aaogaina ai le metotia o le ‘editing’ e tipi ma soso’o ai ni vaega ‘ese’ese o saunoaga a Donald Trump.
Ua fa’amavae ma fa’ate’a ai fa’atonu o le polokalame le ‘Panorama’ na faia le ripoti, ae ua saunoa Donald Trump o lana su, e afua mai i lona manatu o se faiga le amiotonu na faia ma le fa’amoemoe e ta’uleagaina ai lona igoa, poo le defamation.
"In a little while you will be seeing I'm suing the BBC for putting words in my mouth, literally, they put words in my mouth. They had me saying things that they never said coming out. I guess they used AI or something. So we'll be bringing that lawsuit. A lot of people are asking ‘when are you bringing that lawsuit?’ Even the media can't believe that one. They actually put terrible words in my mouth having to do with January 6, that I didn't say."
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan
