Suia itumalo faa-alaalafaga i itumalo palota.

O loo talanoaina i le palemene o Samoa se teuteuga i le tulafono o faigapalota e suia ai itumalo palota i nu'u e soso'o faatasi.

Tulafale Samoa. Source: SBS, Samoan Program/Ioane Lafoa'i

O le uiga o lenei suiga, o le a le toe palotaina ai itumalo i lalo o tu ma aganu'u poo gafa o le atunu'u e pei ona molimauina talu mai le tuto'atasi. Faata'ita'iga o loo palota Le'auva'a ma Salamumu i Savai'i faatasi ma Samalae'ulu ma Patamea.  I Sagaga le Falefa e palota faatasi Fale'ula ma Sale'imoa (Levi, Salepoua'e, Utuali'i ma Tufulele) ae la'asia Malie ma Afega.  E tusa ai ma le lafoga a le palemia, e mafai ona faamatu'u seisi pitonu'u e palota i le itumalo tua'oi pe a le lava le aofa'i o tagata palota.