Ta’avale lē ‘aveina e se tagata

Ua ta'atele i San Francisco i Amerika ta'avale e le 'aveina e tagata (self-driven cars), ae ua fa'aalia e nisi o kamupani le ono fa'ata'ita'i i se taimi lata mai i Ausetalia.

Ta'avale lona lua mai le agavale e le o 'aveina e se tagata, o loo feoa'i fa'atasi ma ta'avale e 'ave e tagata i San Francisco. (Image by Usufono/SBS Samoan).

O loo fesiligia le saogalemu o ta'avale e 'ave e masini computer ae le 'aveina e se tagata, ae o ta'avale self-driven, pe 'ave e le ta'avale ia lava, ua ta'atele i le taulaga o San Francisco i Kalifonia i Amerika.

I se asiasiga e le'i mamao atu a la tatou polokalame i San Francisco, na maua ai se avanoa e ti'eti'e ma faimalaga ai i se ta'avale e le'o 'aveina e se tagata e fa'aigoaina i SF o le Waymo.

E pei ona silasila i le ata lea, e iloa e le ta'avale le taimi e kolisi saogalemu ai i moli.

Ta'avale e le 'aveina e se tagata. Waymo i San Francisco.

O le tele o fa'alavelave e tutupu i le alatele e mafua ona o sese ma sasi i fa'ai'uga e faia e 'ave ta'avale o tagata.

E leai se mafua'aga o le popole vale i le 'aveina e le ta'avale e se masini.