Tagatanu'u Ausetalia na saisaia e Isara'elu.

Ua fa'asa'olotoina e le militari a Isara'elu tagatanu'u Ausetalia e to'a 7 na latou saisaia ae o folau ma fesoasoani mo tagata i le Gaza Strip.

Barcelona, Spain - 31st August 2025: A boat part of the Global Sumud Flotilla is seen setting sail from the Port of Barcelona. More than 20 boats set sail from the city directed to Gaza, where they will try to deliver aid to the Palestinian population and break the siege imposed by Israel. (Photo by Davide Bonaldo/Sipa USA) Source: AAP / Michael Nigro / Davide Bonaldo/Davide Bonaldo/Sipa USA

O le Global Sumud flotilla, o ni va'a e 50 na folau ai tagata e 'ova i le 130 ma fesoasoani o mea'ai ma vaila'au o togafitiga na fa'amoemoe e momoli mo tagata Palesitina i le Gaza Strip.

E le'i taunu'u lo latou fa'amoemoe ina ua fa'asalaveia ma saisaia i se falepuipui e fitafita a le militari a Isara'elu.

Na fa'aalia e tagatanu'u Ausetalia na saisaia ina ua tatalaina i latou ma tipotia i Ioritana, na sauaina i latou e le militari a Isara'elu e auala i le fa'ao'olima ma le taofia ona avatu se mea'ai ma le suavai mama i le taimi 'umi na saisaia ai i latou.

O loo malosi faitioga o le faigamalo i Isara'elu i le auala o loo fa'aaogaina ai le fa'amatelaina o tagata, o se a'upega o taua.

Ae maise le taofia o fesoasoani i tua'oi ae ua faitau selau afe tamaiti i le Gaza ua matelaina ma feoti ona o le leai o se mea'ai ma le suavai mama.