Na fa'aalia e Jacynta Fa'amau, o se tasi o mata'upu ua tatau i le mālō tele i Ausetalia ona silasila toto'a iai, o le taofia lea o le toe ofoina o laisene i kamupani e mainaina ai le kasa ma le koale.
O le COP31 o le a mata’itūina ai e isi atunu'u le moni o lafoga a le mālō i Ausetalia i le tatau ona fa'aitiitia le kasa 'o'ona e pua'ina i le si'osi'omaga mai galuega ma le malosi'aga e fa’aaogāina e tagata i le atunu'u.
Na ou fesiligia Jacynta Fa'amau i le tulaga o le COP31 ma se malosi e o'o iai ana fa’ai’ugāfono pe a lē taliaina e le peresitene o Amerika, o se tasi o atunu'u o loo aupito tele le aofa'i o le kasa (emissions) o loo ia pua'ina i le si'osi'omaga. Na ia tali mai e lē fa'atalia i se peresitene o Amerika le mea tatau ma aiotonu ona faia mo le saogalemū ma le lumana'i o tagata o le Pasefika.
O se tasi o fuafuaga ua fa'ata'atia e atunu'u o lo'o auai i le COP31 e aofia ai Ausetalia ma Turkyie, o le faia lea o nisi o fonotaga amata o le summit i Fiti ma Tuvalu, o nisi o motu o le Pasefika o loo sili ona a'afia i fa'afitauli mai le si'isi'i o le tai, afā ma uiga loulouā o le tau.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
