Na ia fa’aalia le laulau o le komiti fa’afoe, le executive, ua iai nei ma le fa’amoemoe e pei ona sa alo atu iai le Fono i le tausaga ua tuana’i i le fa’amaopoopoina o le Tausala o Samoa mai New South Wales.
O lo’o iai le fa’amoemoe o le Fono a Samoa mo se sa’iliga tupe i le masina o Aperila e auala i se Lu’au e faia i Liverpool.
E pei ona saunoa le peresitene ia Fata Masini, o le ‘autū lava o lea fa’amoemoe o le sa’iliga o se seleni auā galuega fa’atino ma fuafuaga a le Fono a Samoa i lenei tausaga ma le aga’i atu i le lumana’i.
Na ta’ua fo’i i le fa’atalanoaga e Fata Masini le fa’amoemoe o le Fono mo le fa’amanatuina o le tūto’atasi o le mālō Samoa, e pei ona masani ai i tausaga ta’itasi.
Na ou fesiligia le Afioga Fata Masini pe o iai se fesoasoani tupe, se grant, mai le mālō poo seisi fa’alapotopotoga mo le Fono a Samoa, e pei ona sa iai i tausaga ua tuana’i, ae na ia tali mai ua lē toe iai le fesoasoani tupe lea, ae ua tagi’ilima lava le Fono mo lana tautua i le mamalu o Samoa i New South Wales.
READ MORE
Fono aoao a tagata Samoa i Sini
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
