O le dengue fever e mafua mai i se vairusi e fe'avea'ia e namu, ma e ono matuia ona auga, ae maise i fanau laiti.
E tusa ai ma ni ripoti mai le matagaluega o le soifua maloloina i Samoa, ua to'a lua tamaiti ua feoti i le atunu'u talu ona amata le pepesi o le dengue fever, ma ua 'ova i le 1,700 tagata na togafitia ona o auga o le dengue fever.
O le pepesi o le dengue fever, na sili ona a'afia ai alaalafaga i Matu i Sisifo o Upolu ma le taulaga o Apia, ae ua fa'asolo atu nei i isi itumalo ma nu'u, e aofia ai le motu tele i Salafai.
