Na saunoa se tama’ita’i loia e fa’apitoa lona tomai i mata’upu o le tulafono i aiā tatau a tagata, Paula Gerber, ua tatau i isi setete ma teritori ona fa’ata’ita’i i le tulafono ua pasia nei i le palemene setete o Tasmania.
O se tasi na tele tausaga o finauina le mau e lē toe avea ai ma solitulafono feusua'iga a itupā tutusa, o le ali’i o Rodney Coombe o le fa’alapotopotoga le Equality Tasmania.
Na ia saunoa o Tasmania le setete mulimuli i Ausetalia na lē toe avea ai ma solitulafono faiga pa’aga ma feusua’iga a itupā tutusa.
"Tasmania was the last state to decriminalise homosexuality. That was in 1997. And also the only state to criminalise cross-dressing up until 2001. So I think it's significant that we've become the first state in Australia to allow financial redress for the victims of those old laws."
I le tele o atunu’u o le Pasefika, o tulafono e fa’atatau i faiga pa’aga ma feusua’iga a itupā tutusa na matuā malosi fa’asalaga na tu’uina iai i lalo o tulafono.
O le tele o tulafono nei na fa’aauau mai e atunu’u o le Pasefika mai faigāmālō kolone a papalagi i aso ua mavae, atoa ai ma le talitonuga Kerisiano.
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan
