I le faitauga muamua o le tulafono taufaaofi e toe iloiloina ai le faauigaina o le Tiriti o Waitangi, na saesaeina e le sui faipule o le Maori Party, Hana-Rawhiti Maipi-Clark lana kopi o le tulafono taufaaofi ma ia amataina se haka i le palemene.
O le tulafono taufaaofi o se fuafuaga a le vaega 'upufai le ACT ma lona ta'ita'i o David Seymour, i le manatu e tatau ona tutusa tagata uma i Aotearoa, ae le faalagolago i le tupu'aga o se tagata ma ni aia faapitoa mo se vaega o tagata ona o lanu ma aganu'u.
I le manatu o nisi e pei o Professor Ella Henry o le Auckland University of Technology, o le finauga a le ACT o loo faave ai le tulafono taufaaofi, o loo vala'au ai e ave'esea aia tatau a tangata whenua o loo ta mau i le feagaiga, le Tiriti o Waitangi o le 1840.
Ua faaalia e Chistopher Luxon le palemia o Aotearoa Niu Sila lona le lagolagoina o le tulafono taufaaofi a le ACT.
Share
