Ua auai fa’atasi ni fa’alapotopotoga se tolu i Ausetalia i le vala’au i le minisita o Home Affairs e te’ena se visa ulufale mo le peresitene o Isaraelu e malaga mai ai i Ausetalia.
O fa’alapotopotoga e aofia ai le Australian National Imams Council, le Jewish Council of Australia ma le Hind Rajab Foundation, ma na fa’aulu sa latou fa’aseā i le Ofisa o le Loia Sili, le minisita o Home Affairs ma leoleo a le malo tele, le Australian Federal Police.
Na fa’aalia e le loia o loo tula'i mo fa’alapotopotoga nei, o nisi o lafoga a Isaac Hertzog na faia fa’alaua'itele, e ono fa’auigaina e tau faifai ma fa’atauemu, pe i lalo o le hate speech.
Na saunoa le palemia setete o New South Wales, Chris Minns, o loo galulue leoleo ma le mālō setete i fuafuaga o le puipuiga o le to’atele o tagata o le a auai i le taulaga e aofia ai i latou o loo tuleia le mau mo le sa’olotoga o Palesitina ma tagata o loo fa’avauvau mo le to'a 15 o tagata na fasiotia i le osofa'iga terorisi i Bondi Beach i le masina talu ai:
"New South Wales Police are working with The Palestinian Action Group organisers about a protest location for the activities that they want to undertake. That's happening as we speak. ... We have got potentially, not potentially, we will have 1000s of mourners and 1000s of protesters as well as a visiting head of state all in the same city at the same time, and we've got a responsibility to keep people safe in those circumstances."
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
