Na fa'aalia le faatu'i'ese a sui o le One Nation e auala i le fulitua ae o faia le Fa'afeiloa'iga, le Welcome to Country, e tatala ai le palemene tele i le vaiaso nei.
Na saunoa le ta'ita'i o le One Nation, Pauline Hanson, o ia ua fiu i le faia o fa'afeiloa'iga nei e pei ai o ia o se tagata 'ese ae le o se tagatanu'u Ausetalia.
E le gata ia Pauline Hanson, ae na fa'apena fo'i ona fulitua isi sui o le One Nation i tagata muamua na faia le fa'afeiloa'iga.
Na faitioina e le sui o le kapeneta, Clare O'Neill, le fa'atu'i'ese a le ta'ita'i ma sui o le One Nation ma ia ta'ua o se faiga le fa'aaloalo ma le pulea.
Share
