Teuteuga tulafono o Fanua ma Suafa.

Ua toe soloia e le palemene o Samoa le tulafono na fa'avaeina e le faigamalo talu ai a le HRPP e fa'asino i suafa matai sa'o i Samoa.

Fale fa'amasino i Mulinu'u. Credit: Samoa Planet

O le tulafono na aiaia ai e na o le tasi le suafa matai sa'o i se aiga , ma o lea nofo e tatau ona aumau i Samoa, ma ia auai fo'i i Samoa mo lana saofa'i.

I le teuteuga ua pasia nei, ua toe tu'u ai i le pule ma le filifiliga a aiga potopoto pe fia nofo e fai o se suafa matai sa'o o se aiga.

Ua suia ai fo'i aiaiga i le aumau o se nofo i Samoa i le taimi e tau'aveina ai le nofo, ma ua le toe mana'omia ona 'autasi ni suli e fa'auluina se tagi e ave'ese pe toe fa'aui ai se nofo i se suafa matai sa'o.