Na te’ena e le malo tele le iai o ni feso’ota’iga ma le malo Suria e fa’atatau i le toe fa’afo'i mai o fafine ma a latou fanau na ‘au ma le fa’alapotopotoga le Islamic State.
Na lipotia e le nusipepa le Australian le polokaina e le malo tele o taumafaiga a fafine nei e toe fo'i mai ma a latou fanau i Ausetalia nei.
I se talanoaga ma le Seven Network, na saunoa le minisita o le soifua maloloina, Mark Butler, e lē o iai se fesoasoani o loo tu’uina e le malo tele i fafine nei poo ni feutaga'iga ma le malo Suria.
"Well, I've read this report overnight Nat, the prime minister said yesterday, we're not participating with Syrian authorities. Obviously, I'm not in a position to speak for the Syrian government, but our position has been crystal clear right through the course of this story, that we're not going to provide any assistance to repatriate these people who chose to go overseas and provide their support in some cases, their partners chose to fight for a death cult ISIS."
Peita’i na toe taunu’u mai i ‘ele’ele o Ausetalia i le poo o le Aso Tofi na te’a nei nisi o fafine ma a latou fanau.
O fafine nei na tu’ua le atunu’u e auai i le fa’alapotopotoga le Islamic State ma nonofo ai ma fitafita a lea fa’alapotopotoga terorisi.
E tele tausaga na tausia ai i latou i se nofoaga saisai i Suria ina ua faato'ilaloina le IS.
Na auai i le malae va’alele i Melbourne nisi o aiga, leoleo ma le ‘autusitala ina ua taunu’u mai i latou, ma e to'a 2 fafine na saisaia e leoleo i le taimi na taunu’u mai ai ma molia i le auai i se fa’alapotopotoga terorisi ma isi soligatulafono.
Na saunoa Dr Josh Roose o le Deakin University, i le polokalame ABC News' Breakfast, o le fa’amuamua i le taimi nei, o le tausia lea ma va’ava’aia lelei tamaiti e faamasani i le olaga o fanau i Ausetalia nei.
"Based on what we saw last night, one of the questions will be: what ecosystem are these children stepping back into? Is there a support, because we know a very small section, but not insignificant section of community hold those beliefs. And the question is, are they stepping back into that world and that environment or are they going to be given the opportunity to go to school, to socialise and effectively be re-integrated into Australian norms and society?"
Mo nisi talafou ma ripoti, fa'afofoga i le SBS Samoan i le 'upega tafa'ilagi poo le SBS Radio app, pe asiasi i le Facebook SBS Samoan.
