Toe tatala a'oga i Samoa Aso 1 Setema

Ua aumaia se fa'aaliga e le malo tausi ua ta'ua ai le toe tatalaina o a'oga i le atunu'u i le Aso 1 o Setema.

Sâsâ a tamaiti a'oga i Samoa.

O le tapunia o a'oga mo se taimi 'umi ua mafua ona o puipuiga mai le pepesi o le fa'ama'i fiva ponaivi le dengue fever.

Na iai se taumafaiga tu'ufa'atasi a le matagaluega o a'oga ma le soifua maloloina e fanaina ai le asu (fumigation) potu ma lotoa o a'oga i le atunu'u.

Ua fa'aalia ai fo'i le fa'aauau o a'oga i le masina o Oketopa, se'i vagana se aso malolo o le lotu a tamaiti. O lona uiga ua leai se tu'uaga mulimuli o lenei tausaga o a'oga.