I se ripoti a le Univesite o Melbourne, o loo ta'ua ai o le to'atele o tagata o loo a'afia i nei faiga fa'apologa, o tupulaga talavou i le va o le 15 i le 30 tausaga le matutua.
O loo sili ona a'afia ai tupulaga mai atunu'u i fafo o loo aumau i Ausetalia nei ona o a'oga, ma o loo faigaluega e sa'ili se seleni e fesoasoani i le tau o le soifuaga ma o latou pili.
O le tulaga lea na iai le tama'ita'i o Deshal Patel, na malaga mai i Initia e a'oga ma o galuega uma na faigaluega ai e na o le $15 i itula na mau i ona totogi, e ui o le minimum wage i Ausetalia e $25.
Na ia ta'ua fo'i, e le gata i le maualalo o le totogi, ae leai ni totogi fa'aopoopo penalty rates pe a faigaluega i weekends ma aso malolo.
