Tulei pe na oso le Archbishop of Canterbury?

E 'ova i le 50 tausaga o sauaina e se ali'i o se loia na galue i mata'upu Kerisiano i le Ekalesia Egelani tamaiti i le taimi o summer camps i Peretania ma Zimbabwe.

FILE - Britain's Archbishop of Canterbury, Justin Welby conducts a church service with Anglicans in Harare, Zimbabwe, Sunday, April, 17, 2016. (AP Photo/Tsvangirayi Mukwazhi, File) Source: AP / Tsvangirayi Mukwazhi/AP

Ua faamavae le ta'ita'i o le Ekalesia Egelani i Peretania ma le lalolagi, le Archbishop of Canterbury, Justin Welby, ina ua iloa i se su'esu'ega lona le faia o se faai'uga ia John Smyth, o se tagata lotu i le Ekalesia na ia sauaina le to'atele o fanau i le 'ova i le 50 tausaga.

Na oti John Smyth i le 2018 e le'i faatalanoaina e leoleo, ae o le faamatalaga a le Archbishop of Canterbury, na ia silafia faiga solitulafono ma saua a John Smyth i tamaiti i le 2013, ae na ia manatu ua logoina leoleo ma o le a aumai ai i'ina se faai'uga amiotonu ia John Smyth.

Mo nisi na sauaina e John Smyth, e aofia ai se tama e igoa ia Andrew Morse, o le faamavaega a le ta'ita'i o le Ekalesia, ua toe fafagu mai ai le tele o tausaga o sauaina o ia e John Smyth. Na faaalia e Andrew Morse, e tele taimi na manatu ai e sili atu ona pule i lona ola. Na ia ta'ua fo'i o loo feagai pea ma mafatiaga o le mafaufau ona o faiga saua a John Syth ia te ia i tausaga ua tuana'i.

(Please click on the image to listen to our report).