Tu'ua'ia Rusia i le fanaina o le MH-17

Ua aumaia le faai'uga a le komiti faava-o-malo i le su'esu'eina o fa'alavelave e tutupu i va'alele sivili, ua fa'amaonia ai tu'ua'iga o Rusia i le fanaina i lalo o le va'alele a le Malaysia Airlines i lana malaga MH-17 i le 2014.

A picture taken on July 18, 2014 shows the wreckages of the Malaysia Airlines jet (AAP). Source: AFP

O le va'alele na fanaina ae o lele i luga o laufanua o Ukraine i le itumalo o Donetsk i lana malaga mai Amsterdam aga'i i Kuala Lumpur.

O le taimi o vevela fetaua'iga i le va o faalapotopotoga e lagolagoina le pulega a Rusia ma le vaega'au a Ukraine.

E to'a 298 tagata na maliliu ai i le auva'a ma le pasese e aofia ai ni tagatanu'u Ausetalia.

O tu'ua'iga o Rusia na afua mai i su'esu'ega na iloa ai o le pomu na fanaina ai le va'alele, o se itu'aiga o pomu e gaosia i Rusia.

Atoa ai ma nisi talafou a le SBS Samoan mo lenei vaiaso.