Ua fa'aalia e le ta'ita'i o le vaega 'upufai le Fa'atuatua i le Atua Samoa ua Tasi (FAST), La'auli Leuatea Schmidt i le 'au tusitala i Samoa, ua tatau ona fa'ata'ape le palemene ae toe faia palota i se taimi vave.
O le Aso 27 o le masina nei o loo fa'amoemoe e lauina ai le tala fa'atatau o le tupe a le malo Samoa. O le a iloa ai pe o fa'atuatuaina pea le palemia Fiame Naomi Mata'afa ma lana Kapeneta e ta'ita'ia le malo tuto'atasi o Samoa.
E le'i talitonuina e le Fa'amasinoga Sili le fa'amatalaga a Fa'atamo'e Tanuvasa o Nofoali'i, o le taga mariuana na maua i lana 'ato i le male va'alele i Faleolo, o vaila'au na tala i se pepa mai lana foma'i i Melbourne. E le'i taliaina fo'i e le fa'amasinoga lana fa'amatalaga na te le'i iloaina o se solitulafono le avatuina o mariuana i Samoa.
