E to'a 280 tagatanu'u Tuvalu i le tausaga ua mafai nei ona talosaga ma talia e mauaina visa nofomau i Ausetalia nei i lalo o le maliega le Falepili Union i le va o le malo tele ma Tuvalu.
I le aofa'i atoa (population) o Tuvalu e lata i le 11,000 tagata, o lona uiga e le o toe mamao ae sifi 'ese uma mai tagata mai motu o Tuvalu i Ausetalia.
O le Falepili Union na sainia o se vaega o fesoasoani a le malo tele i se tasi o atunu'u aupito la'ititi i le lalolagi ona o a'afiaga matuia mai fesuia'iga o le tau.
Atonu o le tulaga e sili ona manumanu iai, o le taofia lea ma opogi o tu ma le gagana Tuvalu pe a le toe nofoia motu ua faitau afe tausaga o nonofo ai tagata Polenisia e iai so'otaga ma Samoa i ona motu.
