පසුගිය සතියේ ශ්රී ලංකාවේ තෙල්දෙනිය ප්රදේශයේ ඇතිවූ උණුසුම්කාරී තත්ත්වය හේතුවෙන් ශ්රී ලංකාවම ආවරණය වන පරිදී ශ්රී ලංකා රජය විසින් දින 10 කට පැනවූ "හදිසි නීතිය" එළඹෙන මාර්තු 15 වන දිනෙන් පසුව නැවත දිගු කිරීමට අපේක්ෂාවක් නොමැති බව නීතිය හා සාමය පිළිබඳ අමාත්ය රංජිත් මද්දුම බණ්ඩාර මහතා පැවසු බව Daily Mirror පුවත්පත වාර්තා කරයි.
මහනුවර ප්රදේශයේ මේ වන විට සාමකාමී තත්ත්වයක් පවතින අතර රට පුරා ද නැවතත් සාමකාමී පරිසරයක් පවතින් බව ඔහු පෙන්වා දුන්නේය.
තමන් මේ පිළිබඳ ශ්රී ලංකා පොලිස්පති තුමන් සහ ජ්යෙෂ්ඨ පොලිස් නිලධාරීන් සමග ඊයේ (12/03) සාකච්ඡා කළ බවත් ඔහු ප්රකාශ කළේය.
කෙසේවෙතත්, ජාතිවාදය පතුරුවන සමාජ ජාල පණිවිඩ නැවත්වීම හා එම ක්රියා තහනම් කිරීම පිළිබඳව එම සාකච්ඡා වලදී අවධානය යොමු කළ බවත් ජනාධිපතිවරයා ජපාන සංචාරය නිමවා පැමිණි පසු අවසන් තීන්දු ගන්නා බවත් අමාත්යවරයා පැවසීය.
මේ අතර මහනුවර තත්ත්වය සාමකාමී වුවද කලාපයේ ආරක්ෂාව පිළිබද ආරක්ෂක අංශ අවධානයෙන් සිටින බව පොලිස් මාධ්ය ප්රකාශක රුවන් ගුණසේකර මහතා පැවසුවේය.
