ශ්රී ලංකා වේලාවෙන් අද (21/04) පෙරවරුවේ ස්ථාන 6 ක ඇතිවූ බෝම්බ පිපිරීම් සිද්ධි හේතුවෙන් මේ වන විට 141 දෙනෙකු ජීවිතක්ෂයට පත්ව ඇති බවත් 500 කට අධික පිරිසක් තුවාල ලබා ඇති බවත් වාර්තා වේ.
කොළඹ කොච්චි කඩේ දේවස්ථානය, කටාන කටුවාපිටිය දේවස්ථානය, මඩකලපුව සියොන් දේවස්ථානය, කොළඹ ශැන්ගිලා හෝටලය, කොළඹ සිනමන් ග්රෑන්ඩ් හෝටලය සහ කොළඹ කින්ග්ස්බරි හෝටලය යන ස්ථාන හයෙහි මෙම පිපිරීම් සිදුව ඇත.
අද පෙරවරුවේ පාස්කු දේව මෙහෙය පවත්වන වෙලාවේ මෙම පිපිරුම් සිදුවී ඇති අතර ඒවා සංවිධානාත්මකව සිදුකළ පිපිරුම් බවට ආරක්ෂක අංශ සැක කරයි.
ජීවිතක්ෂයට පත්ව ඇති පිරිසෙන් වැඩි ප්රමාණයක් වාර්තා වන්නේ කටාන කටුවාපිටිය දේවස්ථානයෙන් බවද ශ්රී ලංකා පුවත් වාර්තා කරයි.
තුවාල ලැබූ පිරිස් කොළඹ, මීගමුව, මඩකලපුව සහ රාගම යන රෝහල් වලට කඩිනමින් ගෙන යමින් පවතින අතර ඔවුන් වෙත කඩිනම් වෛද්ය ප්රතිකාර සිදුකරමින් පවතින බව රෝහල් ආරංචි මාර්ග පවසයි.
කොළඹ හෝටල් තුනෙහි ඇතිවූ පිපිරීම් වලින් විදේශිකයින් 9 දෙනෙකු මේ වන විට ජීවිතක්ෂයට පත්ව ඇති බවත් තවත් විදේශිකයින් 13 දෙනෙකු තුවාල ලබා රෝහල් ගත කර ඇති බවත් කොළඹ ජාතික රෝහල් ආරංචි මාර්ග වාර්තා කරයි.
මෙම පිපිරීම් සම්බන්ධ විමර්ශන කටයුතු මේ වන විටත් ශ්රී ලංකා ආරක්ෂක අංශ විසින් ආරම්භ කර ඇති අතර තවමත් මේ සිදුවීමට සම්බන්ධ කුමන පාර්ශවයක්ද යන්න හෙළිවී නොමැත.
----------------------------------------------------------------------------------------------------
SBS සිංහල සේවය සඳුදා, අඟහරුවාදා, බ්රහස්පතින්දා, සිකුරාදාපෙ.ව 11 සිට 12 දක්වා
සජීවීවසහපසුව online අහන්න - www.sbs.com.au/sinhalese
සජීවීව රූපවාහිනියෙන් අසන්න- Channel 38
සජීවීව ගුවන් විදුලියෙන්, (ප්රාන්ත සඳහා fm තරංගමාලා)
93.1fm – Victoria
97.7fm –NSW
105.5fm – Canberra
106.3fm – SA
93.3fm – QLD
96.9fm – WA
සජීවීවහෝ පසුව අහන්න Mobile APP - SBS Radio APP (free download)
SBS සිංහල Facebook පිටුව - www.facebook.com/sbssinhalese
“SBS සිංහල ගුවන් විදුලිය - සමස්ත ඔස්ට්රේලියාවටම ඇහෙන එකම සිංහල ගුවන් විදුලිය”
----------------------------------------------------------------------------------------------------
