අද (13/02) පෙරවරු 8.40 ට පමණ සිඩ්නි නුවර CBD හෙවත් මධ්යම ව්යාපාරික දිස්ත්රික්කයේ පිහිටි ගොඩනැගිල්ලක ගින්නක් හටගෙන ඇති අතර මේ සිඩ්නි නුවර ගිනි නිවීම් ඒකක එම ගින්න මැඩ පවත්වා ඇති බව සඳහන්.
මහල් 10 කින් යුත් මෙම ගොඩනැගිල්ලේ පිටතින් තිබූ පලංචි ආවරණයක් ගිනිගෙන එය සිඩ්නි Circular Quay හි ආසන්නයේ පිහිටා ඇති Pitt වීදියට හා Alfred වීදියට පතිත වී ඇත.
සිද්ධිය සැලවූ සැනින් ගිනි නිවීමේ ඒකක 7 ක් එම ස්ථානයට ගොස් ඇති අතර අදාළ ගොඩනැගිල්ලේ සිටි සියලුම දෙනා එයින් ඉවත් කිරීමට ඔවුන් සමත් වී තිබේ.
සිද්ධියෙන් කිසිවෙකුට හෝ තුවාල සිදුවී නොමැති බවද වාර්තා වේ.
ගිනි ගැනීමට හේතුව මෙතෙක් අනාවරණය වී නොමැති අතර ඒ පිළිබඳ පරීක්ෂණ පැවැත්වෙමින් පවතී.
මෙම ගින්න හේතුවෙන් අදාළ ගොඩනැගිල්ල අවට කළු දුමාරයකින් වැසී ගොස් තිබුණු අතර Circular Quay ආශ්රිතව පිහිටි දුම්රිය මාර්ග වල දුම්රිය ගමනාගමනයද තාවකාලිකව නවත්වා තිබුණි.
නමුත් මේ වන විට තත්ත්වය සමනය කර ඇති බැවින් දුම්රිය ගමන් යථා තත්ත්වයට පත් කර ඇති බවද වාර්තා වේ.
--------------------------------------------------------------------------------------------------------
SBS සිංහල සේවය සඳුදා, අඟහරුවාදා, බ්රහස්පතින්දා, සිකුරාදාපෙ.ව 11 සිට 12 දක්වා
සජීවීවසහපසුව online අහන්න - www.sbs.com.au/sinhalese
SBS සිංහල Facebook පිටුව - www.facebook.com/sbssinhalese
“SBS සිංහල ගුවන් විදුලිය - සමස්ත ඔස්ට්රේලියාවටම ඇහෙන එකම සිංහල ගුවන් විදුලිය”
--------------------------------------------------------------------------------------------------------
