Highlights
- Greater Sydney කලාපයේ lockdown කාලය අගෝස්තු 28 තෙක් දීර්ග කර තිබේ.
- එක් කොරෝනා ආසදිතයෙකුට වයිරසය ආසාදනය වූ අයුරු පිළිබඳ වික්ටෝරියා ප්‍රාන්ත රජය විමර්ශනය කරමින් සිටියි.
- දකුණු ඔස්ට්‍රේලියා ප්‍රාන්තයෙන් කිසිදු කොරෝනා ආසදිතයෙකු වාර්තා නොවේ.
- ක්වීන්ස්ලන්තය මුහුණ දී ඇති COVID-19 තර්ජනය දෙගුණ වේ.
නිව් සවුත් වේල්ස් ප්‍රාන්තය
Greater Sydney කලාපයේ lockdown කාලය තවත් සති 4 කින් දීර්ග කර තිබේ.
ඒ අනුව Central Coast, Blue Mountains, Wollongong සහ Shellharbour ඇතුළු Greater Sydney කලාපයේ lockdown කාලය අගෝස්තු 28 තෙක් දීර්ග කර ඇත.
ඊට අමතරව Campbelltown, Parramatta සහ George's River කලාප සඳහා ද දැඩි කොරෝනා නීති පනවා ඇති අතර එම කලාප වල නිවසින් පිටව යා හැක්කේ අත්‍යවශ්‍ය රාජකාරී කරන පුද්ගලයින්ට පමණි.
Fairfield ප්‍රදේශයේ සෞඛ්‍ය සහ aged care සේවකයින් සහ Canterbury-Bankstown හි අත්‍යවශ්‍ය රාජකාරී කරන පුද්ගලයින් සෑම දින 3 කට වරක්ම කොරෝනා පරීක්ෂාවක් සිදු කරගත යුතුය.
Greater Sydney කලාපයේ භාණ්ඩ මිලදී ගැනීමට මෙන්ම ව්‍යායාම කිරීමට අවසර දී ඇත්තේ නිවසේ සිට කිලෝමීටර 10 ක දුරකට පමණි.
මේ අතර ගතවූ පැය 24 තුළ සිදුකළ කොරෝනා පරීක්ෂණ හරහා නිව් සවුත් වේල්ස් ප්‍රාන්තයේ ප්‍රජාව අතරින් අලුතින් කොරෝනා ආසාදිතයින් 177 ක් හමුවී තිබේ.
ඔවුන්ගෙන් අවම වශයෙන් 46 ක් පමණ වයිරසය ආසාදනය වී තිබියදී ප්‍රජාව තුළ සිටි බවට විශ්වාස කෙරේ.
ආසාදිතයින් 177 ට අමතරව එක් කොරෝනා මරණයක් ද වාර්තා වී ඇත.
Liverpool රෝහලේදී 90 වන වියෙහි පසුවූ කොවිඩ් එන්නත නොලැබූ කාන්තාවක් එලෙස මරණයට පත්ව තිබේ.
මේ වන විට කොවිඩ් ආසාදිත රෝගීන් 165 දෙනෙකු රෝහල් ගත කර ඇති අතර ඉන් 56 දෙනෙකු දැඩි සත්කාර ඒකකවල ප්‍රතිකාර ලබන බව සඳහන්.
SBS සිංහල සේවය සතියේ දින 4 ක් ඔබ හමුවට
සඳුදා, අඟහරුවාදා, බ්‍රහස්පතින්දා, සිකුරාදා
SBS Radio APP එකෙන් (Free download)
වික්ටෝරියා ප්‍රාන්තය
ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් අලුතින් කොරෝනා ආසාදිතයින් 9 ක් හමුවී තිබේ.
ඉන් 8 දෙනෙකුම දැනට හඳුනාගෙන ඇති කොරෝනා පොකුරට සම්බන්ධ නමුත් ඉතිරි පුද්ගලයාට වයිරසය ආසාදනය වූයේ කෙසේදැයි විමර්ශනය කරමින් සිටියි.
ඊයේ (27/06) මධ්‍යම රාත්‍රියෙන් පසුව වික්ටෝරියා ප්‍රාන්තයේ lockdown තත්ත්වය ඉවත් කිරීමට ප්‍රාන්ත රජය තීරණය කර ඇති නමුත් ඇතැම් කොරෝනා නීති තවමත් බලාත්මක කර තිබේ.
පසුගිය පැය 24දී ඕස්ට්‍රේලියාවෙන් වාර්තා වී ඇති තොරතුරු:
- භාණ්ඩ ප්‍රවාහන නෞකාවක සිටි කාර්ය මණ්ඩලයේ 21 දෙනාගෙන් 19 දෙනෙකුටම කොරෝනා වයිරසය ආසාදනය වී ඇතැයි ක්වීන්ස්ලන්ත ප්‍රාන්තයේ ප්‍රධාන වෛද්‍ය නිලධාරිනී වෛද්‍ය Jeannette Young පවසයි. ඒ අතර එක් පුද්ගලයෙකු වයිරසය ශරීරගත වී තිබියදී දින හයක් පුරාවට බ්‍රිස්බේන් ප්‍රජාව තුළ සිටි බව සඳහන්.
- නොකඩවා දෙවැනි දිනයටත් දකුණු ඔස්ට්‍රේලියා ප්‍රාන්තයේ කිසිදු කොරෝනා ආසාදිතයෙකු වාර්තා නොවේ.
නිරෝධායනය, සංචාරක, පරීක්ෂණ සායන සහ වසංගත ආපදා ගෙවීම්
ප්‍රාන්ත සහ ටෙරිටරි රජයන් මගින් නිරෝධායන සහ කොරෝනා පරීක්ෂණ අවශ්‍යතා කළමනාකරණය කිරීම සහ බලාත්මක කිරීම සිදු කරයි.
- නිව් සවුත් වේල්ස් ගමනාගමන හා ප්‍රවාහන සහ නිරෝධායන කටයුතු
- වික්ටෝරියා අවසර පත්‍ර , විදෙස් සංචාරකයින් සහ නිරෝධායන කටයුතු
- ACT ගමනාගමන සහ නිරෝධායන කටයුතු
- NT ගමනාගමන සහ නිරෝධායන කටයුතු
- ක්වීන්ස්ලන්තය ගමනාගමන සහ නිරෝධායන කටයුතු
- දකුණු ඔස්ට්‍රේලියාව ගමනාගමන සහ නිරෝධායන කටයුතු
- ටස්මේනියා ගමනාගමන සහ නිරෝධායන කටයුතු
- බටහිර ඔස්ට්‍රේලියාව ගමනාගමන සහ නිරෝධායන කටයුතු
ඔබට ඔස්ට්‍රේලියාවෙන් පිටව යාමට අවශ්‍ය නම්, ඔබ පහත සඳහන් ඛාණ්ඩ වලින් එකකට අයත් විය යුතු අතර පිටව යාම සඳහා අවසර ගැනීමට online මාර්ගයෙන් අයදුම් කළ යුතුය.
ඔබේ ප්‍රාන්තය හෝ ටෙරිටරිය සඳහා අදාළ මාර්ගෝපදේශ : NSW, Victoria, Queensland, Western Australia, South Australia, Northern Territory, ACT, Tasmania.
පරිවර්තනය කර ඇති එන්එස්ඩබ්ලිව් බහු සංස්කෘතික සෞඛ්‍ය සන්නිවේදන සේවාවට පිවිසෙන්න:
එක් එක් ප්‍රාන්ත සහ ටෙරිටරි වල කොරෝනා පරීක්ෂණ සායන සොයා ගැනීම සඳහා පහත වෙබ් යොමු වෙත පිවිසෙන්න
- නිව් සවුත් වේල්ස්
- වික්ටෝරියා
- ක්වීන්ස්ලන්තය
- දකුණු ඔස්ට්‍රේලියාව
- ACT
- බටහිර ඔස්ට්‍රේලියාව
- ටස්මේනියා
- නොදර්න් ටෙරිටරිය
එක් එක් ප්‍රාන්ත සහ ටෙරිටරි වල කොරෝනා වසංගත ගෙවීම් තොරතුරු සඳහා පහත වෙබ් යොමු වෙත පිවිසෙන්න
