ඔස්ට්‍රේලියාවේ මීළඟ නියෝජ්‍ය අගමැති මෙන්න.

ඔස්ට්‍රේලියාවේ නියෝජ්‍ය අග්‍රාමාත්‍ය ධුරයෙන් සහ නැෂනල්ස් පක්ෂ නායකත්වයෙන් Barnaby Joyce ඉල්ලා අස්වීමෙන් අනතුරුව නව නැෂනල්ස් පක්ෂ නායකයා ලෙස Michael McCormack අද (26/02) පෙරවරුවේ තේරී පත්වූ බව වාර්තා වේ.

ඒ අනුව ඔස්ට්‍රේලියාවේ මීළඟ නියෝජ්‍ය අග්‍රාමාත්‍යවරයා ලෙස ඔහු පත්වනු ඇත.

නැෂනල්ස් පක්ෂයේ සාමාජිකයින් අතර අද පෙරවරුවේ පැවති රහස් ඡන්දයකින් අනතුරුව Michael McCormack මේ සඳහා තේරී පත්ව තිබේ.

George Christensen ද ඔහු සමග තරග කළ නමුත් ඔහුට ඒ සඳහා සුදුසුකම් ලැබීමට වරම් නොලැබිණි.

George Christensen ට වඩා Michael McCormack වැඩි ඡන්ද කොපමණ සංඛ්‍යාවක් ලබා ගත්තාදැයි නැෂනල්ස් පක්ෂය තවමත් මාධ්‍යට පවසා නැත.

මේ අනුව Barnaby Joyce පසුපෙළ මන්ත්‍රීවරයෙකු ලෙස අද සිට පාර්ලිමේන්තුවේ අසුන් ගනු ලබන අතර Michael McCormack කැබිනට් මණ්ඩලයට යාමට නියමිතය.