Serikali kudhibiti mitandao ya kijamii kuanzia desemba

Mtandao wa Reddit na jukwaa la Kick zitaongezwa kwenye majukwaa yanayohitajika kuzuia watumiaji walio na umri chini ya miaka 16, sheria mpya zitakapoanza kutekelezwa mwezi Desemba. Marufuku ya Australia ya mitandao ya kijamii kwa watoto chini ya miaka 16, ambayo inajumuisha majukwaa nane kuu, inategemea tathmini zinazoendelea za eSafety ambazo zinaweza kufafanua kati ya huduma za mitandao ya kijamii, ujumbe, na michezo, kuelezea ni kwanini majukwaa kama Steam na Twitch hayakujumuishwa. Wakati serikali ilihakikishiwa na Roblox kwamba wataanzisha teknolojia za kuthibitisha umri ili kupunguza tabia za uwindaji wa watoto, watetezi wa haki za kidigitali wanatahadharisha kwamba marufuku haya yanaweza kuhamasisha watoto kutumia majukwaa madogo yasiyo na uangalizi ambapo wanaweza kukumbana na madhara makubwa zaidi.

The Australian Senate passed a law to ban children under 16 from having social media accounts and social media platforms, including TikTok, Facebook, Snapchat, Reddit, X, formerly Twitter, and Instagram potentially being be fined for preventing children younger than 16 from having social media accounts. (Photo by Anna Barclay/Getty Images) Credit: Anna Barclay/Getty Images

Majukwaa makuu manane ya mitandao ya kijamii yatakuwa chini ya marufuku kali ya mitandao ya kijamii kwa walio chini ya umri wa miaka 16 nchini Australia.

 Kuanzia tarehe 10 Desemba, watumiaji walio chini ya miaka 16 watazuiwa kufikia Reddit, Kick, Facebook, Instagram, Snapchat, TikTok, YouTube, na X, majukwaa ambayo Waziri wa Mawasiliano Anika Wells anasema yalitambuliwa baada ya tathmini na Kamishna wa Usalama wa Mtandaoni.

 Wakati baadhi ya wakosoaji wanasema kwamba orodha hiyo imekuja kuchelewa, Waziri Wells anasema ni kazi inayoendelea ya Kamishna kutathmini kampuni kulingana na mahitaji ya kisheria.

Tathmini za majukwaa ya usalama wa mtandao zitakuwa endelevu na itaendana na mabadiliko ya kiteknolojia, lakini tunaelewa kuwa familia zinahitaji uhakika sasa kuhusu majukwaa makuu yaliyo chini ya sheria za umri wa chini kwenye mitandao ya kijamii.

Anika Wells

Reddit na jukwaa la Kick, ndio nyongeza za hivi karibuni kwenye orodha ya majukwaa. Kamishna wa eSafety, Julie Inman Grant, anasema ushirikiano huu unatokana na jinsi sheria inavyotofautisha kati ya michezo ya mtandaoni na ujumbe wa kijamii.

Jambo lingine la kuzingatia kwetu ni ikiwa jukwaa linakidhi vigezo vya darasa la huduma ambapo kuna upendeleo, kama vile ujumbe, michezo mtandaoni au maudhui ya elimu. Teknolojia inabadilika kwa kasi na daima inakua, ambayo ina maana kwamba orodha hii itabadilika

Julie Grant

 

Bi. Grant amesisitiza tofauti hii alipohojiwa kwanini majukwaa kama twitch au steam hayakujumuishwa

 

Tulipima jukwaa la Steam na mazungumzo ya Steam kando... Tulitathmini kwamba Steam ina madhumuni manne ya sasa... Yaliangukia zaidi katika jukwaa la michezo ya mtandaoni, na yaliangukia ndani ya kundi la huduma zilizoorodheshwa kwenye sheria kama zilitengwa kwa sababu madhumuni yao makuu ni kuwawezesha watumiaji kucheza michezo ya mtandaoni na watumiaji wengine, ingawa bado kuna mwingiliano wa kijamii wa mtandaoni kama sehemu ya vipengele vyao. Kwa hivyo Twitch bado inaendelea kutathminiwa.

Bi.Grant

 

Jambo linaloshtua kote duniani ambapo wasichana wa Australia wanamulengwa na wanaume wenye nia mbaya, linafanyika kwenye majukwaa kama Roblox.

 

Bi Grant ameulizwa kwanini basi Roblox haikuingizwa kwenye sheria hata kama kitaalam ilikuwa jukwaa la michezo ya mtandaoni. Waziri Wells na Bi Grant wamesema kuwa ulaghai wa kifedha na kingono ni jambo la kuwahangaisha sana, na katika mazungumzo yao na Roblox wamehakikisha teknolojia za kuthibitisha umri zitatekelezwa ili kuzuia watu wazima kutumia huduma hiyo.

 Kamishna anasema kuwa serikali imewapa majukwaa haya jukumu kubwa la kuhakikisha kwamba njia za kukwepa hazitumiwi.

Kuna ishara nyingi ambazo sasa zinakusanywa, kama vile vitambulisho vya vifaa. Mnajua mtoa huduma wa mtandao wao ni nani, wanapakua kutoka duka gani la app, na katika hali nyingi, kwa mfano, mkileta simu Marekani na kuipakua kutoka duka la app, wataangalia kipindi cha miezi sita kuona kama kweli wewe ni mkaaji wa Australia. Tumekuwa na mazungumzo makubwa na makampuni kuhusu hili.

Bi.Grant

 Msemaji wa mawasiliano wa upinzani, Melissa Mcintosh, anasema kuwa hakuna kitu muhimu zaidi kuliko kuwalinda watoto kutokana na madhara ya mitandao ya kijamii.

 Anasema kama mama, amekumbana na hili yeye mwenyewe. Lakini anahofia kwamba sheria hiyo haiwezi kutekelezwa na kwamba data ya kibayometriki inaweza kuhatarishwa iwapo mfumo wa Kitambulisho cha Kidigitali utatumika.

Nimekuwa na wasiwasi sana kuwa marufuku hii ya mitandao ya kijamii itafanya kazi, na nimekuwa nikionyesha wasiwasi wangu kwa majuma mengi sasa... Sasa, hatujui ni teknolojia gani ya kuthibitisha umri itakayotumika, na hivyo Waastralia wengi wanawasiliana nami, wakiwa na wasiwasi kuhusu uwezekano wa matumizi ya kitambulisho cha kidigitali.

Melissa Mcintosh

 

Waziri Wells anasema kwamba serikali itakuwa makini katika kufuatilia "mitindo ya kuhamia" ya watumiaji wa mitandao ya kijamii, iwapo watumiaji watajaribu kuepuka marufuku hiyo.

 Hata hivyo, Tom Sulston kutoka shirika la haki za kidigitali anahofia kuwa hili litakuwa gumu kudhibiti.

 

salama wa mtandaoni unashughulika na mitandao kwa kuchagua majukwaa ya pekee mmoja mmoja. Hii haitawahi kuisha kwani watoto na vijana wanazunguka kwenye mtandao wakihamia kwenye majukwaa ambayo bado hawajapigwa marufuku, na majukwaa hayo yanakuwa yasiyo salama zaidi na yasiyo na usimamizi, ambako watoto watakumbana na madhara zaidi kuliko wanavyokutana nayo kwenye majukwaa wanayotumia kwa sasa. Ni vigumu kuamini kwamba Kamishna wa Usalama anaiacha 4Chan, moja ya tovuti zisizo na mpangilio zaidi kwenye Intaneti, iko wazi kwa watoto, huku akifunga milango kwa Reddit, ambayo ina usimamizi na vipengele vya usalama. Kwa kufanya hivi, anasukuma watoto wa Australia kwenye kona za giza zaidi za mtandao ambako hawatakuwa salama zaidi na hawatapata msaada wanapouhitaji

Tom Sulston