Kiongozi wa upinzain Sussan Ley amesisitiza ujumbe wa ushikamano kwa jumuiya ya wahindi wa Australia, wakati amesema anajutia madai kuhusu majasusi wa kichina yaliyo tolewa na Seneta wa chama cha Liberal wakati wa uchaguzi wa shirikisho.
Katika jimbo la New South Wales, fukwe kadhaa zimefungwa baada ya papa mweupe kutambuliwa karibu ya fukwe hiyo, kufuatia shambulizi lililo sababisha kifo la mtu aliyekuwa akifanya mchezo wakutereza juu ya maji karibu ya fukwe hiyo.
Mwenyekiti wa chama kikuu cha upinzani nchini Tanzania, CHADEMA Tundu Lissu, Jumatatu amepandishwa kwa mara ya kwanza kwenye Mahakama Kuu kunakosikilizwa kesi ya uhaini inayomkabili. Kesi hiyo hata hivyo imesogezwa mbele hadi Septemba 9, baada ya mvutano mkubwa wa kisheria ulioibuka kuhusu kuahirishwa mara kwa mara kwa kesi hiyo.
Hali ya wasiwasi bado inashuhudiwa Uvira, jimboni Kivu Kusini Mashariki mwa Jamhuri ya Kidemokrasia ya Congo ambapo mwishoni mwa wiki iliyopita, kwa siku ya sita mfululizo mji huo ulisalia mahame. Wapiganaji wa Wazalendo, wanataka serikali jijini Kinshasa, kumwondoa Jenerali Olivier Gasita, aliyetumwa katika eneo himo kwa madai kuwa, ana ushirikiano wa karibu na waasi wa AFC/M23 kwa kile anachoelezwa kuwa ni kutoka kwa jamii ya Banyamulenge.
