2022 பெடரல் தேர்தல் : சுகாதாரம் - பிரதான கட்சிகள் முன் வைக்கும் கொள்கைகள்

லிபரல்

• 2022-23 நிதியாண்டில் அரசு மருத்துவமனைகளுக்கான நிதி ஒதுக்கீடு $27.2 பில்லியனாக அதிகரித்தல் அதனை 2025-26 நிதியாண்டில் $32.7 பில்லியனாக உயர்த்துதல்
• 2022 ஜூலை 1 முதல் டைப் 1 நீரிழிவு நோயால் பாதிக்கப்பட்ட 71,000 பேருக்கு CGM என்கின்ற தொடர்ச்சியான குளுக்கோஸ் கண்காணிப்பு திட்டத்தை விரிவுபடுத்த $273.1 மில்லியன் முதலீடு செய்தல்
• மெடிகேர் நிதியை 2022-23 நிதியாண்டில் $31.4 பில்லியனாக உயர்த்துதல் அதனை 2025-26 நிதியாண்டில் $35.5 பில்லியனாக உயர்த்துதல்
• மார்பக புற்றுநோய், சிஸ்டிக் ஃபைப்ரோஸிஸ், தோலழற்சி, ஆஸ்துமா, முதுகெலும்பு தசைச் சிதைவு, HIV தொற்று மற்றும் இதய செயலிழப்புக்கான சிகிச்சைகள் உட்பட புதிய மற்றும் திருத்தப்பட்ட Pharmaceutical Benefits Scheme (PBS) மருந்து பட்டியல்களுக்கு மேலும் $2.4 பில்லியன் முதலீடு
• ஜனவரி 1 2023 முதல் Pharmaceutical Benefits Scheme (PBS) இணை-கட்டணத்தை 10 டாலர்கள் வரை குறைக்க $558.1 மில்லியன் முதலீடு
• தேசிய மகளிர் சுகாதார உத்தி 2020–2030 திட்டம் மூலம் பெண்களின் சுகாதார நலனுக்கென $333 மில்லியன் முதலீடு
• பூர்வீகக்குடி மக்களின் சுகாதார நலன் மற்றும் பிராந்திய மக்களின் சுகாதார நலன்களுக்கென கூடுதல் நீதி ஒதுக்கீடு

லேபர்

• மெடிகேர் திட்டத்தை பலப்படுத்த மேலும் ஒரு பில்லியன் நிதி 
• அவசர சிகிச்சைப் பிரிவுகளின் அழுத்தத்தை குறைக்க, குறைந்தபட்சம் 50 மெடிகேர் அவசர சிகிச்சை கிளினிக்குகளை நிறுவுதல்
• மருந்து சீட்டு ஒன்றுக்கு Pharmaceutical Benefits Scheme (PBS) இணை-கட்டணத்தை அதிகபட்சமாக $42.50 இலிருந்து அதிகபட்சமாக $30 ஆகக் குறைப்பதன் மூலம் மருந்துகளின் விலையை குறைத்தல்
• Regional பிராந்திய பகுதிகளுக்கு கூடுதலான குடும்ப வைத்தியர்களை அமர்த்துதல்
• புதிதாகப் பிறந்த குழந்தைகளுக்கான பரிசோதனை திட்டத்தை விரிவுபடுத்துதல்
• National Nurse and Midwife Health Service - தாதிகளுக்கு தேசிய இலவச ஆதரவு சேவை நிறுவுதல்

கிரீன்ஸ்

• உளநல சிகிச்சையினை மெடிகேருக்குள் கொண்டுவரும் வகையில் $4.8 பில்லியன் முதலீடு
• பூர்வீகக்குடி மக்களின் சுகாதார சேவைக்கு $371 மில்லியன் நிதி ஒதுக்கீடு
• மாணவர்களின் ஆரோக்கியம் மற்றும் நல்வாழ்வை மேம்படுத்த அனைத்து பள்ளிக்கூடங்களிலும் இலவச மாதவிடாய் நாப்கின் வழங்க $68.5 மில்லியன் முதலீடு
• அடுத்த இரண்டு ஆண்டுகளில் கோவிட் தடுப்பூசி ஆராய்ச்சிக்கு $250 மில்லியன் முதலீடு

SBS தமிழ் ஒலிபரப்பை திங்கள், புதன், வெள்ளி மற்றும் ஞாயிறு ஆகிய நாட்களில் இரவு 8 மணிக்கு SBS Radio 2 வழியாக கேட்கலாம்.

உங்களது பிரதேசத்துக்குரிய அலைவரிசை என்னவென்று தெரிந்துகொள்ள எமது tune in பக்கத்திற்குச் செல்லுங்கள்.

டிஜிட்டல் வானொலியில் செவிமடுக்க ‘SBS Radio’ எனத் தேடுங்கள்.