விக்டோரியா மாநிலத்தில் கழிவுகளை மீள்சுழற்சி செய்வதில் நிலவும் நெருக்கடியைச் சமாளிக்க 6 வகையான bin- குப்பை வாளிகளை அறிமுகம் செய்யும் முறை பரிந்துரைக்கப்பட்டுள்ளது.
Infrastructure Victoria அமைப்பின் பரிந்துரையின்படி organics, plastic, paper, card, glass, metal ஆகிய கழிவுகளை தனித்தனியே போடுவதற்கென 6 வெவ்வேறு குப்பைவாளிகளை பயன்படுத்துவதன் மூலம் மீள்சுழற்சி செயற்பாட்டினை வினைத்திறனுடையதாக மாற்ற முடியும் என குறிப்பிடப்படுகிறது.
தற்போது விக்டோரியா மாநிலத்தில் 3 வகையான குப்பை வாளிகளை மக்கள் பயன்படுத்திவருகின்றனர்.
எனினும் விரைவில் விக்டோரியாவாழ் மக்கள் ஆகக்குறைந்தது 4 வகையான கழிவுகளை போடுவதற்கென வெவ்வேறு வாளிகளைப் பயன்படுத்தும் நிலை வரும் என எதிர்வுகூறப்பட்டுள்ளது.
விக்டோரியாவின் மிகப்பெரிய மீள்சுழற்சி நிறுவனமான SKM முடங்கியதையடுத்து, மாநிலத்தின் கழிவுகளை மீள்சுழற்சி செய்யும் செயற்பாடு கடும் சவால்களை சந்தித்துவருகின்றமை குறிப்பிடத்தக்கது.
