நாட்டின் முன்னாள் துணைப் பிரதமரும் முன்னாள் நஷனல் கட்சித் தலைவருமான Barnaby Joyce மற்றும் அவரது துணை Vikki Campion ஆகியோருக்கு ஆண் குழந்தை பிறந்துள்ளது.
தனது முன்னாள் ஊடக ஆலோசகரான Vikki Campion-உடன் உறவில் இருப்பதாக வெளியான செய்தி, பாரிய சர்ச்சையாக உருவெடுத்ததையடுத்து, Barnaby Joyce தனது துணைப்பிரதமர் பதவியிலிருந்தும் கட்சித் தலைவர் பதவியிலிருந்தும் விலகியிருந்தார்.
அத்துடன் Vikki Campion-க்கும் தனக்கும் இடையில் உறவு இருப்பதையும், தாம் ஒரு குழந்தையை எதிர்நோக்கியிருப்பதையும் அவர் உறுதிப்படுத்தியிருந்தார்.
இந்தநிலையில் இவர்களுக்கு Armidale பொது மருத்துவமனையில் ஆண் குழந்தை பிறந்ததாகவும், இதற்கு செபஸ்டியன் எனப் பெயரிடப்பட்டுள்ளதாகவும் Barnaby Joyce-இன் அலுவலகம் உறுதிப்படுத்தியுள்ளது.
செபஸ்டியன் 51 வயதான Barnaby Joyce-க்கு 5வது குழந்தையாக காணப்படும் அதேநேரம் Vikki Campion-க்கு முதற்குழந்தை என்பது குறிப்பிடத்தக்கது.
