- New South Wales மாநிலத்தின் 67 சதவீத மக்கள் தடுப்பூசியின் ஒரு சுற்று போட்டுள்ளார்கள்
- விக்டோரிய மாநிலத்தில் ஆயிரத்திற்கும் மேற்பட்ட இடங்களில் தொற்று பரவியுள்ளது
- ACTயில் முடக்கநிலை செப்டம்பர் 17ஆம் தேதி வரை நீட்டிக்கப்படுகிறது
- குயின்ஸ்லாந்து மாநிலத்திலிருந்தும் Northern Territoryயிலிருந்தும் வரும் பயணிகளுக்கான கட்டுப்பாடுகளை தெற்கு ஆஸ்திரேலியா நீக்கியுள்ளது
நியூ சவுத் வேல்ஸ்
New South Wales மாநிலத்தில் சமூகப் பரவல் மூலம், புதிதாக 1,164 பேருக்குத் தொற்று இருப்பது உறுதியாகியுள்ளது. தொற்றுள்ளவர்களில் 796 பேர் சிட்னியின் மேற்கு மற்றும் தென்மேற்கு சிட்னியில் வசிப்பவர்கள். தொற்றினால் மூன்று பேர் இறந்துள்ளார்கள்.
Guildford, Merrylands, Auburn, Greenacre, Bankstown மற்றும் Blacktown ஆகிய புறநகர்களில் வாழ்பவர்கள் Covid சோதனை செய்து கொள்ள வேண்டும் என்று தலைமை மாநில சுகாதார அதிகாரி Dr Kerry Chant வேண்டினார்.
போதியளவு ஃபைசர் தடுப்பூசி இருப்பில் இல்லை என்பதால், 18 வயதிற்கும் மேற்பட்டவர்கள் AstraZeneca தடுப்பூசி போட்டுக் கொள்ளுமாறு மாநில சுகாதார அமைச்சர் Brad Hazzard அறிவுறுத்தினார்.
New South Wales மாநிலத்தின் மேற்குப் பகுதியில் COVID-19 தொற்று அதிகம் பரவியுள்ளது. Dubbo நகரில் வாழ்ந்த பூர்வீகப் பின்னணி கொண்ட ஒருவர் தொற்றினால் இறந்துள்ளார். அந்தப் பகுதியில், தொற்றினால் ஏற்பட்ட முதல் இறப்பு இது என்று திங்களன்று அறிவிக்கப்பட்டது.
தடுப்பூசி போட்டுக் கொள்ள இங்கே பதிவு செய்யலாம்.
விக்டோரியா
விக்டோரியா மாநிலத்தில் சமூகப் பரவல் மூலம், புதிதாக 76 பேருக்குத் தொற்று இருப்பது உறுதியாகியுள்ளது. தொற்றுள்ளவர்களில் 31 பேருக்கு தொற்று எப்படி ஏற்பட்டது என்பது தெரியாது.
கட்டுப்பாடுகளில் சில தளர்வுகளை நாளை Premier Daniel Andrews அறிவிப்பார் என எதிர்பார்க்கப்படுகிறது. AstraZeneca தடுப்பூசி போதியளவில் கிடைக்கிறது என்றும், அதனை மக்கள் முன்வந்து போட்டுக் கொள்ளுமாறும் Premier Daniel Andrews கேட்டுக்கொண்டார்.
மெல்பன் நகரிலுள்ள பல தொடர் மாடி வீடுகள் உட்பட, விக்டோரிய மாநிலத்தில் ஆயிரத்திற்கும் மேற்பட்ட இடங்களில் தொற்று பரவியுள்ளது என்று அடையாளம் காணப்பட்டுள்ளது.
தடுப்பூசி எங்கே போடலாம் என்ற தரவுகளை இங்கே காணலாம்.
Australian Capital Territory
ACT பிராந்தியத்தில் சமூகப் பரவல் மூலம், புதிதாக 13 பேருக்குத் தொற்று இருப்பது உறுதியாகியுள்ளது. தொற்றுடன் 8 பேர் சமூகத்தில் நடமாடியுள்ளனர்.
கன்பராவிலுள்ள Australian Institute of Sport Arenaவில் பாரிய தடுப்பூசி மையம் செப்டம்பர் 3ஆம் தேதி வெள்ளிக்கிழமை ஆரம்பிக்கிறது.
ACTயில் முடக்கநிலை செப்டம்பர் 17ஆம் தேதி வரை நீட்டிக்கப்படுகிறது. புதிய கட்டுப்பாடுகள் வியாழக்கிழமை, செப்டம்பர் 2ஆம் தேதி பிற்பகல் 5 மணி முதல் நடைமுறைக்கு வருகின்றன.
நீங்கள் தடுப்பூசி போட தகுதியுள்ளவரா என்று இங்கே காணலாம்.
கடந்த 24 மணிநேரத்தில் நாடளாவிய செய்திகளில்:
- குயின்ஸ்லாந்து மாநிலத்தின் தென் கிழக்குப் பகுதிகளிலிருந்தும் Northern Territoryயிலிருந்தும் தெற்கு ஆஸ்திரேலியா செல்லும் பயணிகளுக்கான அனைத்து கட்டுப்பாடுகளையும் தெற்கு ஆஸ்திரேலியா நீக்கியுள்ளது.
தனிமைப்படுத்தல், பயணம், Covid சோதனை, மற்றும் தொற்றுநோய் இடர் கால மானியம்
தனிமைப்படுத்தல் மற்றும் Covid சோதனைகள் மாநில மற்றும் பிரதேச அரசுகளால் நிர்வகிக்கப்படுகின்றன:
NSW பயணம் குறித்த தரவுகள் மற்றும் தனிமைப்படுத்தல் விபரங்கள்
VIC பயணம் குறித்த தரவுகள், வெளி நாட்டுப் பயணம் மற்றும் தனிமைப்படுத்தல் விபரங்கள்
ACT பயணம் குறித்த தரவுகள் மற்றும் தனிமைப்படுத்தல் விபரங்கள்
NT பயணம் குறித்த தரவுகள் மற்றும் தனிமைப்படுத்தல் விபரங்கள்
QLD பயணம் குறித்த தரவுகள் மற்றும் தனிமைப்படுத்தல் விபரங்கள்
SA பயணம் குறித்த தரவுகள் மற்றும் தனிமைப்படுத்தல் விபரங்கள்
TAS பயணம் குறித்த தரவுகள் மற்றும் தனிமைப்படுத்தல் விபரங்கள்
WA பயணம் குறித்த தரவுகள் மற்றும் தனிமைப்படுத்தல் விபரங்கள்
ஆஸ்திரேலியர்கள் வெளிநாட்டு பயணம் மேற்கொள்வதற்குத் தடை விதிக்கப்பட்டுள்ள அதேநேரம் வெளிநாடு செல்ல வேண்டுமெனில் விதிவிலக்கு அனுமதி பெறவேண்டும். இது குறித்த மேலதிக விபரங்களுக்கு covid19.homeaffairs.gov.au/leaving-australia என்ற இணையத் தளத்திற்குச் செல்லவும். சர்வதேச விமானப் போக்குவரத்து குறித்த பிந்திய தகவல்கள் Smart Traveller இணையத்தளத்தில் வெளியாகும்.
கொரோனா குறித்த தகவல்கள்
உங்களுக்கு சளி அல்லது flu அறிகுறிகள் ஏற்பட்டால் வீட்டிலேயே இருங்கள். மற்றும் உங்கள் மருத்துவரை அழைத்து சோதனைக்கு ஏற்பாடு செய்யுங்கள். அல்லது கொரோனா வைரஸ் உதவி மையத்தை 1800 020 080 என்ற எண்ணில் தொடர்பு கொள்ளவும்.
கொரோனா வைரஸ் தொற்று ஏற்பட்டால் மிகவும் இலேசான அறிகுறிகள் முதல் நிமோனியா வரை செல்லக் கூடும் என அரச இணையத்தளம் கூறுகின்றது. காய்ச்சல், தொண்டை நோவு, இருமல், உடற் சோர்வு, சுவாசிப்பதில் சிரமம் போன்ற அறிகுறிகள் முக்கியமானவை.
உங்களுக்கு கடுமையான உடல் நலக்குறைவு ஏற்பட்டால் அல்லது சுவாசிப்பதற்கு சிரமம் ஏற்பட்டால் 000 என்ற இலக்கத்தை அழையுங்கள்.
ஒவ்வொருவருக்கிடையிலும் 1.5 மீட்டர் சமூக இடைவெளியைப் பேணுங்கள்.
அரசால் அறிமுகப்படுத்தப்பட்டுள்ள COVIDSafe செயலியை உங்கள் கைபேசியில் தரவிறக்கிக்கொள்ளுங்கள்.
கொரோனா வைரஸ் (COVID-19) குறித்த முக்கிய தகவல்கள் sbs.com.au/coronavirus என்ற எமது இணையத்தில் 63 மொழிகளில் கிடைக்கின்றன.
NSW Multicultural Health Communication Service-இன் மொழிபெயர்க்கப்பட்ட தகவல்களை பின்வரும் இணைப்புக்களில் பெற்றுக் கொள்ளலாம்:
COVID-19 Vaccination Glossary
Appointment Reminder Tool.
Covid சோதனை எங்கே செய்யலாம் என்ற தரவுகளை இங்கே காணலாம்:
மாநில மற்றும் பிரதேச அரசு மற்றும் ஆதரவு நிறுவனங்கள் வழங்கும் இடர் கால மானியம் குறித்த தகவல்:
SBS தமிழ் ஒலிபரப்பை திங்கள், புதன், வெள்ளி மற்றும் ஞாயிறு ஆகிய நாட்களில் இரவு 8 மணிக்கு SBS Radio 2 வழியாக கேட்கலாம்.
உங்களது பிரதேசத்துக்குரிய அலைவரிசை என்னவென்று தெரிந்துகொள்ள எமது tune in பக்கத்திற்குச் செல்லுங்கள்.
டிஜிட்டல் வானொலியில் செவிமடுக்க ‘SBS Radio’ எனத் தேடுங்கள்.
