செவ்வாய்க்கிழமை இரவு 8 மணியளவில், சிட்னியில் இருந்து தென்மேற்கே 100 கிமீ தொலைவில் உள்ள Macarthur பிராந்திய கிராமமான Buxton அருகே Orange Road மற்றும் East Parade intersection-இல் Nissan ute ஒன்று கட்டுப்பாட்டை இழந்து மரத்தில் மோதியதில் இவ்விபத்து சம்பவித்ததாக பொலீசார் கூறுகின்றனர்.
வாகனத்தின் ஓட்டுநர் மாத்திரம் காயங்களுடன் மருத்துவமனையில் சிகிச்சைபெற்றுவருவதாகவும், அவரது உயிருக்கு ஆபத்தில்லை எனவும் குறிப்பிடப்படுகிறது.
குறித்த வாகனத்தில் 18 வயது ஓட்டுநர், 3 பெண்கள் மற்றும் 2 ஆண்கள் என மொத்தம் 6 பேர் பயணம்செய்திருந்ததாகவும், மரணமடைந்தவர்கள் முறைப்படி இன்னமும் அடையாளம் காணப்படவில்லை எனவும் பொலிசார் தெரிவித்தனர்.
14 -16 வயதுகளிலுள்ள இந்த 5 சிறுவர்களும் சம்பவ இடத்திலேயே மரணமடைந்ததாகவும், இவர்கள் Picton High பள்ளி மாணவர்கள் எனவும் தெரிவிக்கப்படுகிறது.
இவ்விபத்து குறித்த விசாரணைகள் தொடர்வதாக பொலிசார் தெரிவித்துள்ளனர்.
——————————————————————————————
Readers seeking support can contact Lifeline on 13 11 14, 1800 Respect on1800 737 732 and Kids Helpline on 1800 55 1800 (for young people aged up to 25). More information and support with mental health is available at Beyond Blue.org.au and on 1300 22 4636.
——————————————————————————————
SBS தமிழ் ஒலிபரப்பை திங்கள், புதன், வெள்ளி மற்றும் ஞாயிறு ஆகிய நாட்களில் இரவு 8 மணிக்கு SBS Radio 2 வழியாக கேட்கலாம்.
பக்கத்திற்குச் செல்லுங்கள்.
செவிமடுக்க ‘SBS Radio’ எனத் தேடுங்கள்.
