கோவிட் மற்றும் Flu தொற்றைக் கண்டறியும் புதிய உபகரணம் தற்போது கிடைக்கிறது!

Influenza A, Influenza B மற்றும் கோவிட்-19 ஆகியவற்றைப் பரிசோதிக்கும் Combination rapid antigen tests (RATs) சமீபத்தில் மருந்தகங்களில் விற்கத் தொடங்கியுள்ளன.

Combination rapid antigen tests, சாதாரண கோவிட் சோதனை உபகரணத்தைப் போலவே செயற்படுகின்றன.

Influenza A , Influenza B மற்றும் கோவிட்-19 ஆகியவற்றுக்கான முடிவை, குறித்த உபகரணத்திலுள்ள தனித்தனி கோடுகள் காண்பிக்கும்.

Combination RATs எவ்வளவு பயனுள்ளதாக இருக்கும்?

Influenza மற்றும் கோவிட்-19 ஆகியவை ஒருவருக்கு ஒரே நேரத்தில் ஏற்படுவது அரிது என Deakin பல்கலைக்கழகத்தின் தொற்றுநோயியல் பிரிவு தலைவரான பேராசிரியர் Catherine Bennett கூறுகிறார்.

ஒரே நேரத்தில் Influenza மற்றும் கோவிட்-19 ஐ பரிசோதிக்கும் திறன், ஆஸ்திரேலியாவின் flu season தொடங்கும் குளிர்காலத்திற்கு முன்னதாக பயனுள்ளதாக இருக்கும் என பேராசிரியர் Bennett கூறுகிறார்.

வைரஸ்களுக்கு நேர்மறையாக சோதனை செய்தவர்கள் பொதுவாக ஓய்வெடுக்க வேண்டும் மற்றும் மற்றவர்களிடமிருந்து விலகி இருக்க வேண்டும் என்பதால், அவர்களுக்கு கோவிட்-19 அல்லது Influenza இருக்கிறதா என்பதைப் புரிந்துகொள்வது அவர்களின் நோயை சிறப்பாக நிர்வகிக்க உதவும் என்று அவர் கூறினார்.

காய்ச்சலுக்கான நேர்மறையான முடிவைப் பெறுபவர்கள், தொடர்ச்சியான மருத்துவ பராமரிப்புக்காக தமது குடும்ப மருத்துவரை அணுக வேண்டும் என்றும், நேர்மறையான கோவிட்-19 முடிவைப் பெறுபவர்கள் தங்கள் கடமைகள் என்ன என்பதைப் பார்க்க தங்கள் மாநில அல்லது பிராந்திய சுகாதாரத் துறையின் இணையத்தளங்களைப் பார்வையிடலாம் என்றும் TGA கூறுகிறது.

ஆஸ்திரேலியாவில் விற்பனை செய்வதற்கென அங்கீகரிக்கப்பட்ட அனைத்து கோவிட்-19 rapid antigen self-tests மற்றும் combination self-tests அனைத்தும் TGAs websiteஇல் பட்டியலிடப்பட்டுள்ளன.

SBS தமிழ் ஒலிபரப்பை திங்கள், புதன், வெள்ளி மற்றும் ஞாயிறு ஆகிய நாட்களில் இரவு 8 மணிக்கு SBS Radio 2 வழியாக கேட்கலாம்.

உங்களது பிரதேசத்துக்குரிய அலைவரிசை என்னவென்று தெரிந்துகொள்ள எமது tune in  

பக்கத்திற்குச் செல்லுங்கள்.டிஜிட்டல் வானொலியில்

 செவிமடுக்க ‘SBS Radio’ எனத் தேடுங்கள்.