இவரைக் காவல்துறையினர் தேடுகின்றனர்!

மெல்பேர்ன் Reservoir பகுதியில் கடந்த வாரம் 15 வயது மாணவியிடம் தகாத முறையில் நடந்து கொள்ள முற்பட்ட நபரைக் காவல்துறையினர் தேடிவருகின்றனர்.

கடந்த 22ம் திகதி செவ்வாய்க்கிழமை காலை 8.30 மணிக்கு Reservoir-இல் Plenty Road shopping centre-இன் பின்புறமாக உள்ள பாதையால் பாடசாலைக்கு நடந்து சென்று கொண்டிருந்த போது, குறித்த மாணவியின் எதிர்ப்புறமாக வந்த இளைஞர்,  மாணவியுடன் தகாத முறையில் நடந்து கொள்ள முற்பட்டதாக காவல்துறையில் முறையிடப்பட்டுள்ளது.

20- 29 வயது மதிக்கத்தக்க இவர், இந்திய துணைக்கண்டத்தைச் சேர்ந்தவராக இருக்கலாம் என நம்பப்படுகிறது.

இவர் குறித்த தகவல் தெரிந்தவர்கள் 1800 333 000 என்ற இலக்கத்தில் தம்மைத் தொடர்பு கொள்ளுமாறு காவல்துறையினர் கோரியுள்ளனர்.