The Australian இன்று வெளியிட்டுள்ள கருத்துக்கணிப்பு முடிவுகளின்படி, மக்களின் விருப்பத்திற்குரிய பிரதமராக Malcolm Turnbull , எதிர்கட்சித் தலைவர் Bill Shorten-ஐ விடவும் 46-32 என அதிக முன்னிலை பெற்றுள்ளார்.
கடந்தவாரம் நிதிநிலை அறிக்கை சமர்ப்பிக்கப்பட்டிருந்த அதேநேரம் இரட்டைக் குடியுரிமை விவகாரத்தில் லேபர் கட்சியின் 4 நாடாளுமன்ற உறுப்பினர்கள் பதவிவிலகியிருந்த பின்னணியில், பிரதமர் Malcolm Turnbull-க்கான மக்கள் செல்வாக்கு, 8 புள்ளிகளால் சடுதியாக அதிகரித்துள்ளது.
கடந்த 2016 செப்டம்பரின் பின்னர் வெளியான கருத்துக்கணிப்புக்களில் பிரதமருக்கு மிகவும் சாதகமாக அமைந்துள்ள கருத்துக்கணிப்பு இதுவாகும்.
எதிர்கட்சித் தலைவர் Bill Shorten–க்கான ஆதரவு 3 புள்ளிகளால் குறைவடைந்துள்ளது.
இதேவேளை கடந்த கருத்துக்கணிப்பைப் போலவே இருகட்சி விருப்பு அடிப்படையில் லேபர்கட்சியை விட பிரதமர் Malcolm Turnbull தலைமையிலான அரசு தொடர்ந்தும் 49-51 என பின்தங்கியுள்ளது.
