மெல்பேர்னில் இன்று சனிக்கிழமையும்(25.02.2017) ஞாயிற்றுக்கிழமையும்(26.02.2017) முக்கிய வீதித்திருத்த வேலைகள் நடைபெறவுள்ளன.
குறிப்பாக மெல்பேர்ன் விமான நிலையம் சென்று திரும்புவதற்கான Tullamarine Freeway- யின் M80 Ring Road-க்கும் Calder Freeway-க்கும் இடைப்பட்ட பகுதி சனிக்கிழமை இரவு 10 மணி முதல் அடுத்த நாள் காலை 6 மணி வரை மூடப்பட்டிருக்கும்.
அதேநேரம் CityLink-இன் West Gate Freeway-க்கும் Flemington Road-க்கும் இடைப்பட்ட பகுதி(outbound) ஞாயிற்றுக்கிழமை இரவு 10.30 மணி முதல் அடுத்த நாள் காலை 4.30 மணி வரை மூடப்பட்டிருக்கும்.
இந்த நேரங்களில் மேற்குறிப்பிட்ட இரு வீதிகளிலும் பயணம் செய்பவர்கள் சுமார் 10-20 நிமிடங்கள் வரை தாமதத்தை எதிர்நோக்கலாம் என எச்சரிக்கப்பட்டுள்ளது.
மெல்பேர்னில் மேற்கொள்ளப்படவுள்ள முக்கிய வீதித் திருத்த வேலைகள் குறித்த மேலதிக விபரங்களுக்கு citylinktullawidening.vic.gov.au என்ற இணையத்தளத்திற்குச் செல்லுங்கள்.
