கோவிட் பரவலையடுத்து மெல்பேர்ன் Holiday Inn ஹோட்டல் மறு அறிவித்தல்வரை மூடப்படுகிறது!

விக்டோரிய மாநிலத்தின் தனிமைப்படுத்தல் மையங்களில் ஒன்றான Melbourne Airport  Holiday Inn  ஹோட்டலுடன் தொடர்புடையதாக மொத்தமாக மூவருக்கு கோவிட் தொற்று உறுதிப்படுத்தப்பட்டுள்ள பின்னணியில்  இப்பரவல் எவ்வாறு ஏற்பட்டது என்பதை கண்டறியும் நோக்கிலும் சுத்தப்படுத்தல் பணிகளுக்காகவும் குறித்த ஹோட்டல் இன்றையதினம் மூடப்படுகிறது.

இந்த ஹோட்டலில் தனிமைப்படுத்தலை மேற்கொண்டு வந்தவர்களும் அங்கிருந்த ஏனையோரும் வேறு ஹோட்டலுக்கு மாற்றப்பட்டுள்ளனர். 

வெளிநாட்டிலிருந்துவந்து 14 நாட்கள் தனிமைப்படுத்தலை முடித்துக்கொண்டு கடந்த 7ம் திகதி வெளியேறிய பெண் ஒருவருக்கும் குறித்த ஹோட்டலில் பணிபுரியும் இரண்டு ஊழியர்களுக்கும் கோவிட் தொற்று இருப்பது கண்டறியப்பட்டிருந்தது.

இதையடுத்து கடந்த ஜனவரி 29ம் திகதி முதல் பெப்ரவரி 9ம் திகதிவரை இந்த ஹோட்டலிலிருந்தவர்கள் மற்றும் 15 நிமிடங்களுக்கு மேல் அங்கு நேரம் செலவிட்டவர்கள் உட்பட பலரை தனிமைப்படுத்தலுக்கு உட்படுமாறு பணிக்கப்பட்டுள்ளது.

ஏற்கனவே Grand Hyatt ஹோட்டலில் பணிபுரிந்த 26 வயது நபருக்கு கடந்த வாரம் தொற்று உறுதிப்படுத்தப்பட்டிருந்தநிலையில் தற்போது  Holiday Inn ஹோட்டலில் பணிபுரிந்த மூவருக்கு தொற்று ஏற்பட்டுள்ளது.

இதுஒருபுறமிருக்க கோவிட் தொற்று உறுதிப்படுத்தப்படமுன் இவர்கள் சென்றுவந்த இடங்கள் தொடர்பிலான விவரங்களை வெளியிட்டுள்ள விக்டோரிய சுகாதாரத் திணைக்களம் அந்த இடங்களுக்குச் சென்றவர்களை உடனடியாக 14 நாட்களுக்கு தனிமைப்படுத்திக்கொள்ளுமாறும் கோவிட் சோதனையை மேற்கொள்ளுமாறும் அறிவுறுத்தியுள்ளது.

அந்த விவரங்கள் பின்வருமாறு: