உலகின் பாதுகாப்பான விமான சேவைகள் எவை என்ற புதிய பட்டியலை AirlineRatings.com வெளியிட்டுள்ளது. இதன்படி ஆஸ்திரேலியாவின் Qantas விமானசேவை நிறுவனம் மீண்டும் முதலிடத்தைப் பிடித்துள்ளது.
400 சர்வதேச இணையத்தளங்களின் தரவுகளைத் தொகுத்து, ஆண்டுதோறும் பாதுகாப்பான விமான சேவைகளின் பட்டியலை ஆன்லைன் தளமான AirlineRatings வெளியிடுகிறது.
விமானியின் பயிற்சி, விமானத்தின் வயது பாதுகாப்பு மற்றும் பொறியியல் சிக்கல்கள் ஆகியவற்றின் அடிப்படையில் குறித்த பட்டியல் தொகுக்கப்படுகிறது. வாடிக்கையாளர்களின் அனுபவம் இதில் சேர்த்துக்கொள்ளப்படுவதில்லை.
தொடர்ந்து பல ஆண்டுகளாக முதலிடத்திலிருந்த Qantas, கடந்த ஆண்டுக்கான பட்டியலில் Air New Zealand-ஆல் இரண்டாமிடத்திற்குத் தள்ளப்பட்டிருந்தநிலையில் தற்போது மீண்டும் முதலிடத்தைத் பிடித்துள்ளது.
Qantas அதன் 100 ஆண்டுகால வரலாற்றில், உலகின் மிகப் பழமையான, தொடர்ச்சியாக இயக்கப்படும் விமான நிறுவனமாக, தனது செயல்பாடுகள் மற்றும் பாதுகாப்பில் சாதனை படைத்துவருவதாக AirlineRatings சுட்டிக்காட்டியுள்ளது.
AirlineRatingsஇன் பாதுகாப்பான விமான சேவைகளின் பட்டியலில் முதல் 20 இடங்களைப் பிடித்துள்ள நிறுவனங்களின் பெயர்கள் கீழே தரப்பட்டுள்ளது.
- Qantas
- Air New Zealand
- Etihad Airways
- Qatar Airways
- Singapore Airlines
- TAP Air Portugal
- Emirates
- Alaska Airlines
- EVA Air
- Virgin Australia/Atlantic
- Cathay Pacific Airways
- Hawaiian Airlines
- SAS
- United Airlines
- Lufthansa/Swiss Group
- Finnair
- British Airways
- KLM
- American Airlines
- Delta Air Lines
SBS தமிழ் ஒலிபரப்பை திங்கள், புதன், வெள்ளி மற்றும் ஞாயிறு ஆகிய நாட்களில் இரவு 8 மணிக்கு SBS Radio 2 வழியாக கேட்கலாம். உங்களது பிரதேசத்துக்குரிய அலைவரிசை என்னவென்று தெரிந்துகொள்ள எமது tune in பக்கத்திற்குச் செல்லுங்கள். டிஜிட்டல் வானொலியில் செவிமடுக்க ‘SBS Radio’ எனத் தேடுங்கள்.
