ஆஸ்திரேலிய பாம்புகள் மற்றும் சிலந்திகள் கடித்தால் செய்ய வேண்டியவை!

ஆஸ்திரேலியாவிலுள்ள சிலந்திகள் மிகவும் கொடியவை என்பதான கருத்துக்கள் பரவலாக உள்ளபோதிலும், பெரும்பாலான சிலந்திகள் கடித்தால் குறைந்தளவு தீங்குதான் ஏற்படுகிறது. மேலும் ஆஸ்திரேலியாவில் விஷ பாம்புகள் கடிப்பது அவ்வளவு பொதுவானதல்ல. ஆனால் அவை கடித்தால் உயிருக்கே ஆபத்தாக முடியும் என்பதால் நாம் எப்படி நடந்துகொள்ள வேண்டுமென்பதை அறிந்துகொள்வது முக்கியம்.

Even for suspected snakebites, you must seek immediate medical attention. Credit: Getty Images/Nigel Killeen

சிலந்திகளைப் பொறுத்தவரை funnel-web என்பதுதான் ஆபத்தானது எனவும்பலரும் நினைப்பதுபோல redback சிலந்திகளால் இறப்பு ஏற்படுவதற்கான அல்லது மருத்துவமனையில் அனுமதிக்கப்பட வேண்டிய நிலை குறைவாகவே காணப்படுகிறது எனவும் கூறுகிறார் NSW Poisons Information Centre-இன் Medical Director Darren Roberts.

Redback சிலந்தியில் விஷம் இருந்தாலும், பாதிப்புகள் உருவாக பல மணிநேரம் ஆகும். அதேநேரம் நோய் அறிகுறிகள் அல்லது தீவிரமான அறிகுறிகள் இல்லாவிட்டால் இதற்கு மருத்துவ சிகிச்சை தேவையில்லை.

Funnel-web தவிர ஏனையவை, அதாவது redback உட்பட எந்த சிலந்திக்கடிக்குமான முதலுதவி ஒரேமாதிரியானதாகும்.

Antiseptic எனப்படும் தொற்றுநீக்கிகொண்டு பாதிக்கப்பட்ட பகுதியைக் கழுவுவதுடன், பாரதூரமான அறிகுறிகள் தோன்றுகிறதா என்பதை அவதானிக்க வேண்டும்.

Research has disproved previous concerns about redback spider bites. Although they contain venom, effects take hours to develop and do not require medical treatment, unless there are signs of infection or aggravated symptoms. Credit: Getty Images/Jenny Dettrick

சிலந்தி கடித்த பிறகு அந்த இடத்தில் வலி பொதுவானது. ஒரு ஐஸ் பேக்கை கடித்த இடத்தில் நேரடியாக 15 நிமிடங்களுக்குப் பயன்படுத்துவது வலியைக் குறைக்க உதவும்.

ஆனால் funnel-web சிலந்தி கடி இதிலிருந்து முற்றிலும் மாறுபட்டது.

Funnel-web சிலந்திக்கடி வலி மிகுந்தது. அது கடிக்கும் போது, விஷத்தை உட் செலுத்துவதால் மிக விரைவாக, 30 முதல் 60 நிமிடங்களுக்குள், மக்கள் அறிகுறிகளை உணரத்தொடங்கலாம். இது உயிருக்கு ஆபத்தான விஷத்தை உட்செலுத்துவதால் ஆம்புலன்ஸ் தேவைப்படலாம் என்பதுடன் மருத்துவமனையில் சிறப்பு சிகிச்சை தேவைப்படக்கூடும் என்கிறார் NSW Poisons Information Centre-இன் Medical Director Darren Roberts.

“Snakes have very little reason to go into people's houses.” Professional snake catcher Gianni Hodgson says 90% of the calls he gets are for snake removals from a backyard. Credit: Getty Images/Andrew Balcombe / EyeEm

இதேவேளை புள்ளிவிபரங்களின்படி, ஆஸ்திரேலியாவில் கொடிய பாம்புக்கடிகள் அரிதானவை.

ஆஸ்திரேலியாவில் ஆண்டொன்றுக்கு ஒவ்வொரு 3000 பாம்புக்கடிக்கும், சராசரியாக இரண்டு இறப்புகள் மட்டுமே இடம்பெறுவதாக சமீபத்திய புள்ளிவிவரங்கள் காட்டுகின்றன.

சில கடிகள் dry- அதாவது பாம்பு தாக்கினாலும் விஷம் உட்செலுத்தப்படாதவையாக இருக்கலாம் என்றபோதிலும் ஒவ்வொரு பாம்புக் கடியும் தீவிரமாக கவனிக்கப்பட வேண்டும் என Royal Flying Doctor Serviceஇன் மருத்துவர் ஷான் ஃபிரான்சிஸ் வலியுறுத்துகிறார்.

Spider bites (other than the funnel-web) can be so delicate that people don’t feel it until later, Dr Roberts says. Credit: Getty Images/Stefania Pelfini, La Waziya Photography

ஆஸ்திரேலியாவின் கிராமப்புற மற்றும் தொலைதூர சமூகங்களில் பாம்பு மற்றும் சிலந்தி கடிக்கு உள்ளானவர்களின் முதல்நிலை தொடர்பாக Royal Flying Doctor Service காணப்படுவதாக சொலலும் Dr ஷான் ஃபிரான்சிஸ், 1300 69 7337 இல் தமது டெலிஹெல்த் லைனை அழைக்கலாம் என்கிறார்.

இதேவேளை funnel-web சிலந்தி குடும்பத்தைச் சேர்ந்ததோ அல்லது அந்தக்குடும்பத்தைச் சேராத சிலந்தியாகவும் இருக்கக்கூடிய பெரிய, கருப்பு சிலந்தி ஒன்று கடித்தால் அதை மருத்துவ அவசரநிலையாகக் கருதவேண்டுமென கூறுகிறார் SW Poisons Information Centre-இன் Medical Director Darren Roberts.

Funnel-web spiders are found around Sydney and the east coast. Other big black spiders are found Australia-wide. Credit: Getty Images/Image Created by James van den Broek

பாம்புகள் தாம் அச்சுறுத்தப்பட்டதாகவோ அல்லது பயமாகவோ உணராத வரை அவை நம்மைத் தாக்க வாய்ப்பில்லை என்கிறார் விக்டோரியா பிராந்தியத்தில் உரிமம் பெற்ற பாம்பு பிடிப்பவரான Gianni Hodgson. 

பாம்பைக் கண்டால் பெரிய சத்தம் போடாமலிருப்பதுடன் பாம்பு தன்னை தற்காத்துக்கொள்ளும் நிலைக்குச் செல்லாதவாறு பார்த்துக்கொள்வது அவசியம் என்கிறார் Gianni Hodgson. 

In the outback, all emergency calls for snakebites trigger a medical response for suspected envenomation. Credit: Getty Images/kristianbell

ஒருவருக்கு சிலந்தி கடித்த பிறகு என்ன செய்வது என்று தெரியவில்லை என்றால் நாடு முழுவதும் உள்ள Poisons Centreஐ 13 11 26 என்ற எண்ணில் மக்கள் அழைக்கலாம்.

ஆனால் முன்னெச்சரிக்கை நடவடிக்கையாக அனைத்து பாம்புக்கடிகளுக்கும், உடனடியாக 000வை அழைப்பது அவசியமாகும்.

SBS தமிழ் ஒலிபரப்பை திங்கள், புதன், வெள்ளி மற்றும் ஞாயிறு ஆகிய நாட்களில் இரவு 8 மணிக்கு SBS Radio 2 வழியாக கேட்கலாம். உங்களது பிரதேசத்துக்குரிய அலைவரிசை என்னவென்று தெரிந்துகொள்ள எமது tune in பக்கத்திற்குச் செல்லுங்கள். டிஜிட்டல் வானொலியில் செவிமடுக்க ‘SBS Radio’ எனத் தேடுங்கள்.