Komunidade Ilha Niue Austrália nian fó onra ba sira nia pioneiru ANZAC nian

ANZAC sira ne'ebé haluha tiha ona hosi Illa Pasífiku Niue nian. Desendente sira hanoin hikas viajen ne'ebé nakonu ho trajédia hosi voluntáriu na'in 150, hosi atol tropikál izoladu ida, ne'ebé maka soe ba iha kaldeira Funu Mundiál I nian.

Soldadu ANZAC ne'ebé foin rekruta hosi Illa Niue prepara iha Auckland ba destakamentu ba Frente Osidentál iha tinan 1915. Credit: Auckland Public Libraries

ha tinan 1915, bainhira funu maka'as iha mundu tomak, ANZAC sira sofre lakon maka'as iha foho-lolon sira Gallipoli nian.

Entaun, Nova Zelándia haree ba nia kolónia sira iha Illa Pasífiku nian hodi ajuda hadi'a fali vítima sira-ne'e. Ida-ne'e simu oferta ida hosi Niue, atu fornese ema sira ba esforsu funu nian.

Rekruta na'in 150 husik sira nia uma no família iha Niue, hodi hamutuk ho reforsu sira Rarotongan no Maori nian, ba serbisu no ke'e valeta sira.

Ha'u hanoin katak ami ladun komprende didi'ak saida maka sira liu ona.

Mohelagi Tutoka

Voluntáriu na'in sanulu-resin-hitu mate bainhira hala'o hela knaar ativu. Maibé barak maka sobrevive husi funu maibe mate tanba moras ne'ebé maka kleur hanesan moras respiratóriu hafoin sira fila ba uma.