Asosiasaun Desportu, Caesar Dante, hari'i iha tinan 1999 iha Quinta Boot, Dili, Timor-Leste ho argola basketball rua. Tuir Presidente Asosiasaun, Natalino Guterres, hatete " Caesar Dante hanesan plataforma hodi haluha trauma ne'ebe joven sira hasoru momentu ne'eba". Ohin loron, liuhosi basketball no Futsal, Caesar Dante kontinua desenvolve joven sira no promove igualidade, respeity no ajuda malu iha komunidade.
Asosiasaun Desportu Caesar Dante hahú iha 1999 iha Quintal Bo’ot, Dili, iha tempu ne’ebé joven barak hasoru situasaun difísil depois referendu independénsia Timor-Leste.
Natalino Guterres hanesan Prezidente ba Asosiasaun Desportu Caesar Dante, hatete katak objetivu organizasaun ne’e iha tempu ne’ebá mak atu uza disportu hanesan dalan ida ba joven sira.
Caesar Dante hari'i hanesan plataforma hodi haluha trauma ne’ebé joven sira hasoru iha momentu ne’ebáNatalino Guterres, Prezidente Asosiasaun Caesar Dante
Nia hatutan tan katak, Caesar Dante hahú ho buat simples tebes ho deit argola basketball rua. Joven sira iha bairru momentu ne'eba ba foti argola basketball rua iha Akademia Polísia ne’ebé besik no instala iha rai ne’ebé sira-nia avo sira uza atu habai kafé. Natalino hatete katak iha tempu Portugés, fatin ne’e mos uza atu habai kafé.
Natalino “Momentu neba maun sira iha bairru nee ba foti argola rua basketball nian husi Akademia Polisia besik iha ami nia fatin hodi tau iha fatin nebe ami nia avo sira hodi habai kafee fatin ba. Iha tempu Portuguese mos uza ba habai kafee mos".
Husi argola basketball rua ne’e, Caesar Dante hahú dezenvolve no sai konhesidu liuhusi modalidade disportiva. Klubu ne'e partisipa iha torneiu oioin no konsege fo rezultadu di’ak tebes. Iha 2017, ekipa Caesar Dante sai kampiaun iha liga basketball.
Partisipasaun mos la limita deit ba mane, iha mos ekipa basketball feto nia.
Iha tinan 2015 Caesar Dante hahú mos dezenvolve futsal. Jogador balu hosi klubu mos hetan oportunidade atu representa Timor-Leste no joga iha rai-liur.
Maibé ba Caesar Dante membru sira, dezenvolvimentu iha disportu la’ós kona-ba rezultadu iha kampu deit.
Juvinal Amaral Soares, joven ida ne'ebe hanesan mos membru iha futsal hosi 2024, dehan antes nia tama iha grupu, nia sempre ba haree nia kolega no maun sira joga basketball no fó apoiu ba sira.
Depois tama iha Caesar Dante, nia dehan nia hahú aprende liután kona-ba oinsá atu respeita kolega feto sira.
Juvinal hatete “Depois hau inklina an iha grupu nee hau iha konhesementu kona-ba oinsa respeita kolega feto sira liu husi workshop nebe maun Presidente husu ami ba atende kona ba igualdade ba feto ho mane".
Ba Juvinal, mensajen ida-ne’e muda mos nia maneira haree futsal.
Hau komprende katak futsal nee laos ba deit mane maibe mos ba feto mosJuvinal Amaral Soares, Atleta Futsal Asosiasaun Disportiva Caesar Dante
La’ós atleta sira deit mak aprende buat foun hosi Caesar Dante.
Treinadór foun Remigio da Silva, ne’ebé foin join organizasaun liu fulan rua, dehan nia haree knaar ninian ne’e hanesan dezafiu foun ba nia.
Maski antes nia fó ona treinamentu ba grupu seluk, Remigio dehan nia hakarak halo liután atu dezenvolve atleta sira iha Caesar Dante.
Remigio hatete “Hau foin mak join Caesar Dante fulan rua liu ba. Hanesan ema nebe mak antes nee fo ona treinamentu ba grupu seluk, iha grupu nasional no mauputar hau haree ida nee hanesan challenge ida ba hau".
Nia dehan dezenvolve atleta la’ós kona-ba abilidade téknika deit.
Caesar Dante ne'e hanesan komunidade ida boot, sira laos diet diak iha parte tekniku maibe diak mos iha parte komunidade nian.
Hau hakarak atu reforsa liu tan atleta sira iha parte tekniku, maibe atu halo ida nee hau mos buka komprende parte non-tekniku nian, hanesan oinsa komunidade nia amizade no ajuda maluRemegio da Silva, Treinador ba Asosiasaun Disportiva Caesar Dante
Ba Remigio, relasaun entre atleta sira, amizade no maneira membru komunidade ajuda malu bele sai parte importante hosi dezenvolvimentu atleta.
Sentidu komunidade ne’e mos sai parte importante hosi filosofia Caesar Dante.
Natalino haktuir oinsa naran Caesar Dante ne'e hili hosi sira nia Prezidente Fundadór, Nico Fonseca, hamutuk ho kolega sira seluk iha Bairru nee.
Caesar Dante ne'e representa forsa no resilensiaNatalino Guterres, Prezidente Asosiasaun Disportiva Caesar Dante
Natalino emphaze tan katak Caesar Dante hanesan organizasaun bazeia ba komunidade, no ema sira ne’ebé envolve fó sira-nia tempu voluntariamente.
“Caesar Dante is community-based organisation, so everyone is voluntarily part of the organisation. Nia filosofia nee haree ba desenvolvementu ba joventude sira".
Natalino mos fó apoiu finanseiru ba klubu ida ne'e. Parte ida ne'ebe nia hakarak atu haree organizasaun ida ne'e atu atensaun ba mos mak igualdade jeneru iha disportu. Tanba ne'e nia servisu ho The Asia Foundation hodi fo treinametu ba atleta sira.
Treinamentu ida ne'e importante tebes atu aumenta konhesementu atleta sira nia kona-ba igulalidade jeneru iha desportuNatalino Guterres, Prezidente Asosiasaun Disportiva Caesar Dante
Ba nia, loke oportunidade ba feto sira atu partisipa iha disportu presiza lao hamutuk ho edukasaun kona-ba igualdade jeneru no respeitu. Nia dehan treinamentu ida ne'e mos importante atu ajuda prevene asédiu iha disportu.
